《CTT出頭天園地》

 | | | 轉寄

I-sap 寓言 13

作者 TLH 2007.05.13

13. Iá-lông kap Iûⁿ-á-kiáⁿ

Kó͘-chá kó͘-chá, chi̍t-chiah tōa iá-lông tī kôaⁿ-thiⁿ khùn chi̍t tōa chhéⁿ, tú khí--lâi, pak-tó͘ chin-iau. Iá-lông tùi soaⁿ-téng khòaⁿ--lo̍h--khì, khòaⁿ-tio̍h chi̍t-chiah iû-á kiáⁿ tī khe-piⁿ teh lim-chúi. I chin hoaⁿ-hí, siūⁿ beh kā lia̍h lâi chia̍h. Iū-koh kiaⁿ lâng kóng i kiông khi jio̍k, chiū kóaⁿ-kín chhōe lí-iû.

“Óe! óe! khó-ò͘ⁿ ê iûⁿ-á-kiáⁿ! Lí ná-ē kā góa beh lim ê chúi lā kiaⁿ-lâng?”

“Góa bô-góa bô-m̄-sī góa. Lí tī soaⁿ-téng, góa tī soaⁿ-kha, góa ná-ē kā lí beh lim ê chúi lā kiaⁿ-lâng?”

“Koh ū, kū-nî lí iōng pháiⁿ-ōe kā góa mē, góa iáu-bōe kap lí lí-lūn!” Iá-lông ná kóng ná tùi soaⁿ-téng chông--lo̍h--lâi.

“Oan-óng! oan-óng! m̄-sī góa, góa chiah chhut-sì la̍k goe̍h-ji̍t nā-tiāⁿ.”

“Án-ne it-tēng sī lín lāu-pē, lí ài thè i chia̍h-chōe.” Iá-lông kóng soah, khui-chhùi chiū kā chia̍h--lo̍h--khì.

Ài! ài! Ngē beh kā lâng tēng-chōe, bián kiaⁿ ē chhōe bô lí-iû lah!