《CTT出頭天園地》

 | | | 轉寄

I-sap 寓言 48

作者 TLH 2008.01.13

48. To̍k-gán Lo̍k

Chi̍t-chiah lo̍k-á put-hēng chi̍t-lúi ba̍k-chiu pháiⁿ--khì, khòaⁿ-bē-tio̍h mi̍h-kiāⁿ. Ūi-tio̍h beh tô-pī gûi-hiám, lóng khì tī hái-piⁿ ê toān-gâi chia̍h-chháu. I khò ba̍k-kng hit-lúi chù-ì soaⁿ chit-pêng ê tōng-chēng, siám-pī kòe chin-chōe gûi-hiám. Bóe-á te̍k-jîn hoat-hiān i ǹg hái hit-lúi ba̍k-chiu chheⁿ-mê, chiū chhiàⁿ-lâng kò-chûn tùi hái-bīn lâi, iōng chìⁿ kā siā--sí. I kan-ta ai chi̍t-siaⁿ chiū sí--khì lah!

Hoân-sū tio̍h-ài koan-chêng kò͘-āu, nā bô chiū ē sit kak-chhat, chīn-khò chīn-gō͘.