Kòa kim-kheng ba̍k-kiàⁿ, pa̍k kim-n̂g-sek ûi-kin, 掛金框目鏡，縛金黃色圍巾， Kim-gán ! chhiáⁿ lí khiā hō͘ chāi, 金眼，請你khiā hō͘在， Góa beh kā lí hip chi̍t tiuⁿ siòng, 我beh kā你hip一張相， The̍h lâi-khì chham-ka pí-sài. The̍h來去參加比賽。 Khó-sioh lí ū khah é, 可惜，你有khah矮， Khióng-kiaⁿ bē-tàng tit-tio̍h thâu-chhái. Khióng驚bē-tàng得tio̍h頭彩。 Kim-gán ! lí kám ē sit-bōng bô-nāi? 金眼，你kám會失望無奈？ 註解：Kim-gán(金眼);小環頸;Little Ringed Plover. 金眼ê目睭深烏色，目孔有一圈真影目ê金黃色，真súi。 金眼是普遍ê留鳥kap冬候鳥，時常20~30隻，抑是三、五隻做陣出現tī海邊沙埔抑是溪埔á地、魚池á邊chhōe食；飛行時直飛速度chiâⁿ緊，seh圓圈á、oat方向lóng真liú-lia̍h su̍t-téng。 親鳥tī孵卵抑是chhōe鳥á-kiáⁿ chhit-thô活動時，若tn̄g-tio̍h有天敵出現，伊會假影跛腳落翼裝做tio̍h傷，去引誘天敵ê注意，hō͘鳥á-kiáⁿ有時間thang閃避逃命。水生小動物、小型無枝骨動物抑是細隻蟲á lóng是伊ê主食。
|
|
|
轉寄