《趁iau2日时》

 | | | 转寄

Hō͘视障ê

作者 林俊育 2008.10.26

视障朋友因视觉ê无方便而常有就业上ê困难，koh-khah因社会大众对视障者ê不了解kap歧视，hō͘ in自卑而kiu-kiu，造成国家社会资源ê浪费，实在可惜。

台湾工商发达了后，视障者ê就业环境koh-khah悲惨，行出算命就是按摩，行出按摩就是碰壁。被尊称做台湾盲人ê父ê陈五福医师，创办慕光盲人重建中心三十五年来，造福真chē盲人按摩ê职业重建。无奈ê是，目前ê视障按摩已被明眼人侵占，koh-khah威胁tio̍h in ê家庭生计，讲来真hō͘人扼腕。

我个人从事关怀视障工作八年来，眼见视障朋友tī社会ê夹缝中求生存，想出点力koh感觉势单力薄而无奈。只好tùi我家己ê小公司做起，一九九二年起雇用全盲ê吕文达先生，tī公司裏尽量hō͘伊工作机会。真chē人对我质疑盲人ê工作能力，我lóng回答讲：「只要hō͘伊公平ê工作机会kap环境，盲人ē-tàng kap明眼人仝款工作。」

兹摘录陈世昌之硕士论文中关于吕文达ê部分资料：

吕文达：乔佳光学公司职员

早起九点tú过，设tī中山北路ê乔佳光学公司已经无闲起来。吕文达熟练地擦tio̍h公司ê玻璃门。伊先用清洁剂tī门ê上、中、下方各洒了一条横线，然后顺手the̍h起折好ê旧报纸，tùi门ê siōng上头一寸一寸用力擦落来，连银白色金属kā手ê内外mā无放过。吕文达戴tio̍h耳机，你ē-tàng想像伊正teh听节奏真强ê音乐，因为伊ê身躯不断左右摆动，真有韵律感。不一下á功夫，整面玻璃已经光亮如新。吕文达弯腰收拾地上ê物件，嘴角微翘，一副真满意ê款。

因为双眼全盲，吕文达看bē-tio̍h家己ê工作成果，但是伊ē-tàng想像头家、同事、以及每一个来到公司ê人客，知影玻璃门是盲人所擦时hit份赞赏ê表情。伊牢记tio̍h每一个工作细节kap玻璃上每一个死角，就算偶尔有擦不清气ê所在，同事mā会不时帮伊留意。无亲眼看tio̍h，真难想像盲人ē-tàng kā玻璃擦得hiah-ni̍h光亮。

吕文达ê工作m̄-nā擦玻璃。Tī che chìn前，伊已经kā公司所有ê桌á、椅子擦过一遍，杯子mā lóng洗过。续落来伊tio̍h接听电话总机；下晡iáu得tio̍h中山北路、锦州街口ê邮局去收寄信件、存提款。最近头家林俊育对吕文达ê工作表现真肯定，伊ê活mā就jú来jú多，jú来jú多样化。

公司只有五名员工，主要业务是照像机ê进出口，吕文达俨然已成做公司bē-tàng或缺ê一员。但是伊iáu有koh-khah远大ê抱负neh：「m̄甘心一直做小弟ê工作。头家马上tio̍h买盲用电脑，有了盲用电脑，将来就ē-tàng处理船务。」提起「船务」chit两个字时，吕文达ê语气十分兴奋，kah-ná随时ē-tàng独当一面似ê。

吕文达真有理由自豪，伊是台湾少数ē-tàng进入私人公司，靠工作表现kah-ná到头家肯定ê盲人之一。大部份ê盲人，无论喜无欢喜，只ē-tàng tī按摩院或旅社为人按摩，或tiàm tī厝内等待工作机会。

不过三年前ê吕文达thang无像现在che般充满自信。Hit时伊iáu未来到乔佳光学公司，现实生活ê压力逼tio̍h伊得从事按摩业，而那偏偏是伊自细汉siōng无欢喜做ê事。「心中十分徬徨，过一工算一工」吕文达讲。

五十九年次ê吕文达，出生tī金门沙美一个小村庄。三岁hit年发高烧，视力完全丧失。五岁开始就读台中ê惠明盲校，tī校期间koh不幸tú-tio̍h多氯联苯中毒事件，一直到现在，只要暗困，伊就全身不爽快。启明学校毕业以后，吕文达无法度chhōe-tio̍h其它工作，为tio̍h生活每工暗时iáu是tio̍h到按摩院上班，直到深夜为止，深深引认为苦。Koh加上父母离异，自细汉m̄-bat体会家庭ê温暖，hit时吕文达常有「被社会遗弃」ê感觉。

七十九年底，吕文达经由一位盲朋友ê绍介，参加双连教会ê西罗亚盲人合唱团，合唱团团员lóng对伊真好，hō͘伊开始感觉社会mā有温暖。吕文达tī-hia结识了一向关心盲胞福利ê林俊育长老。林俊育知影吕文达对按摩无兴趣，生理状况mā无适合按摩业晨昏颠倒ê生活，就建议吕文达到家己ê公司来上班。

「一开始mā m̄知影家己ē-tàng做些什么，一点心理准备lóng无。」吕文达讲 。但是林俊育交待公司其他职员协助伊，譬如头一两次来到邮局办业务，同事会带吕文达去，提醒伊路况，并且带伊到指定ê窗口去，了后就完全靠家己摸索了。现在ê吕文达到邮局去，m̄免人家提醒，家己就ē-tàng行到固定ê窗口，邮局小姐久了mā kap伊真熟。

吕文达讲：「林长老想用工作建立我ê自信心。」林俊育ê用心显然无白费。每学会晓一项新ê业务，吕文达就koh-khah肯定家己「ē-tàng」做些什么。不过吕文达表示，单单盲人认知到家己ê能力，无什么路用，有仝款想法ê社会人士并无chē：「有人kā我讲，『你ê头家心地真pháiⁿ，叫个盲人走邮局！』kā in讲我做得来，in mā m̄相信，久了就lán-si得解释了。」

有kóa人siuⁿ过同情吕文达，hō͘伊有被轻视ê感觉：「邮局人排真chē时，有ê人就好心hō͘你插队。」吕文达真感激in ê善意，但是每pái lóng感觉真尴尬。我lóng会婉转地拒绝，iáu是照排队，因为我无欢喜特权，kah-ná盲人可怜兮兮ê，四界得hō͘人同情。」吕文达承认盲人tī某一kóa场合需要人家帮助，譬如等公车时，但是大部份ê tāi-chì家己lóng ē-tàng做。

到乔佳公司工作ê另外一个好处是休闲活动增加了。以往伊tī按摩院，暗时tú好是工作尖锋时段，无办法安排活动。Chit对好动ê伊是真痛苦ê事。现在活动thang多了，除了西罗亚合唱团，吕文达koh参加由残障人士组成ê广青合唱。下班以后mā常走去听音乐会。最近koh迷上了职业野球，三工两头就往野球场走：「我是兄弟队ê lah lah队。」吕文达讲。

吕文达提起野球时，完全是专家口吻：「野球规则我lóng有背起来，比赛时听球场上ê声音，koh加上观众ê反映，算算时间，就ē-tàng知影phah者走到几垒，有无被封杀。」此外，吕文达对电视游乐器mā真有兴趣：「当然mā是用听ê，Sega或任天堂lóng有kóa游戏真适合盲朋友sńg。」朋友有时mā会开车载伊去爬山：「拉拉山、阿里山我lóng去过。」吕文达讲。

一个月接近两万元ê薪水，比起按摩业ê收入，是少了一点，但是吕文达十分满意：「目前做ê工作有限，将来办了船务，薪水会koh-khah高，而且林长老十分注重盲朋友ê福利，每年lóng有加薪。」

不过对吕文达来讲，chit份工作iáu带hō͘伊按摩业无法度提供ê成就感：「chia ê工作有变化，有挑战性，而且是我家己选择ê。」吕文达认为家己是真好字运ê盲人，其他人无法度kap伊仝款家己选择工作：「像合唱团里ê江美丽kap姜金花，文藻语专毕业，英文好得不得了，公司不请（雇用），iáu m̄是得回头做按摩。」

但是beh从事有挑战性ê工作，相对地得付出koh-khah chē ê努力。船务工作需要真好ê外语能力，所以吕文达拼命学英文。常春藤英文杂志社每一个月将杂志内容译成点字，吕文达每工固定时间lóng会听常春藤ê空中英文教学。另外，伊iáu写phe到美国买英文点字册，譬如英文版ê圣经：「一本圣经，翻成点字就变成十八本！」吕文达一面讲一面tùi册柜抽出一本，用iáu算流利ê英文念了一段出埃及记：「And the lord errand to Moses．．．」

为tio̍h hō͘盲人公平ê工作机会，高科技ê盲用电脑点字视窗是siōng大ê突破，但目前价钱真贵，m̄是一般人负担得起ê。我听讲公私立机关「不雇用残障者而宁可被罚」累积大笔ê「残障福利基金」，视障者thang申请就业辅助器材。探听结果讲，我ê小公司m̄是被罚单位，无资格申请，真是天大ê笑话。

几位「残障福利金专户管理运用委员」为chit件事phah抱不平，修改办法了后，我ê公司thang申请补助购置盲用电脑了。但有了盲用电脑ê硬体设备，iáu-beh有设计周全ê软体chiah ē-tàng达到预期ê目的。我想起二年前担任中华民国视觉障碍人福利协会ê顾问时拟订ê「视障电脑业训练」计画册，现在koh再提出来hō͘各界参考，希望tī大家ê努力下，早日落实盲人就业电脑化ê美梦。