《賴永祥講書》

 | | | 轉寄

《教會史話》(1_097)杜嘉德聽著呼聲

作者 賴永祥 2009.05.17

保羅tī特羅亞看著異象，有一ê馬其頓人懇求講「到馬其頓來幫助阮」，chiah想beh ùi馬其頓去，以為上帝召阮beh傳福音hō͘ hia ê人聽（使徒行傳16章8至10節）。台灣beh開港ê消息傳開，有誰肯來台灣傳福音。

英國長老教會往廈門已經有宣道站a，1858年資深ê宣教師杜嘉德（Carstairs Douglas），tī熱天坐船ùi寧波落來，bat tī óa台灣北角停航一、二kang，記下：「此島山嶺的美麗，吸引了我，雖然沒有機會親訪田禾豐茂人口眾多的平地」（據他10月24函）

1860年（咸豐10年），杜嘉德牧師kap駐汕頭ê金輔爾牧師（Hur Libertas Mackenzie），由兩位信徒陪同，ùi廈門坐「亞細亞號」三檣帆艦來到滬尾（淡水），並訪問艋舺。伊bat記載chit擺旅行ê經過云：「阮tī 9月19日離開廈門，24日平安來到本港（指淡水港）。阮chhōa來ê廈門信徒兩位kap冊真多。頂禮拜tī chit區傳福音。我無啥清楚荷蘭人二百年前佔據chit-ê島ê時是m̄是有tī chia傳道過，m̄-koh我相信che是tùi hit當chūn以來第一擺tī島上傳揚福音。船隻所停留ê所在，外國人教做淡水，本地人稱滬尾，有幾條蜿蜒長街，人口可能有四五千，m̄-koh tī hia停留ê短短幾天，是真歹作正確ê估計ê。 阮koh bat訪問過艋舺，是附近唯一ê大市鎮，ti6淡水上游約10哩，是tī一片美麗ê平地，四面hō͘山嶺所包圍，干taⁿ有幾條河流ê缺口……整個地區攏是福建漳廈一 帶來ê移民，講河洛話，全島也以河洛語為普遍。為著這ê理由，而且chit-ê所在常常有外國船隻kap當地人民接觸，應該是ài由廈門已經建立ê教會來擔任傳道工作。Hāⁿ過海峽，mā是通行同樣ê語言，感覺真無平常。Tī大陸隔了一百哩，就使咱感覺言語不通a。因此，阮耳孔中kan-ná聽著一種強烈ê呼召：『到chia來幫助阮』 ，一直到福音tī chia發揚光大起來」（據杜嘉德在是年10月1日在亞細亞號船上所寫的信）。

杜嘉德就常常寫信向母會鼓吹到台灣去傳教，母會傳道委員會也總算批准了台灣宣教ê方案，起初ê計劃，規模真細，先派二位宣教師，其中一位須要有醫藥技術。

明有德牧師（Hugh MacmiIlan） tī 1953年刊「台灣今昔」（Then till now in Formosa），1963年增訂為「在台灣的最初一世紀」（First Century in Formosa）；兩書tī伊ê第3章講起近代宣教ê開始，就以1860年杜嘉德ê訪台為首，並附有杜嘉德1862年3月11日自廈門發出鼓吹在台傳教函件ê影照一張。

《台灣教會公報》 1982期 主後1990年2月25日