《生活e5台語，台語e5生活》

 | | | 轉寄

請葉金川mài消費台語

作者 蔣為文 2009.05.24

　　　　　　　　　　　 葉金川出席瑞士日內瓦世界衛生大會，tī舉辦晚宴時遭台灣留學生抗議。葉金川tī抗議現場kap事了後記者會均刻意以台語來回嗆留學生。葉金川ê情緒化舉動m̄-nā揭露伊配合中國來矮化台灣ê心虛，koh-khah突顯中國國民黨長期以來醜化kap打壓本土語言ê惡行。

Tī國際媒體前接受訪問時，葉金川表示chit-pái出席世衛大會ê心情是「感覺真好，真爽」。面對台灣國格被中國矮化ê giâu疑，葉金川m̄-nā boài向國人說明清楚iáu沾沾自喜，當然會遭當地留學生嗆聲。葉金川為霧霧無清焦點、塑造家己是抗Sars ê英雄，iáu表示當初伊tī處理Sars時趙建銘m̄知躲到toh位。請問對抗公共傳染病是一個非公職人員ê骨科醫生應有ê責任mah？koh-khah thang惡ê是，平常不替漸漸失傳ê台灣母語發聲，chit-ê時chūn chiah利用台語回嗆留學生，甚至iáu鄙視留學生ê台語程度無好。新生代ê台灣母語講無好，其實就是因為台灣人遭受華語流感病毒侵害ê了後果！