《台语kah魔术》

 | | | 转寄

1010国庆日

作者 苏晏德 2022.10.09

＊国庆日(台语文) Kok-khèng-ji̍t
十月初十是国庆 Cha̍p-goe̍h chhe-cha̍p sī kok-khèng
中国武昌起革命 Tiong-kok Bú-chhiong khí kek-bēng
推翻腐败的满清 Thui-hoan hú-pāi ê Boán-chheng
台湾人民咧庆生 Tâi-oân jîn-bîn teh khèng-seng

会场外围无平静 Hōe-tiûⁿ gōa-ûi bô pêng-chēng
爱国份子起神经 Ài-kok hūn-chú khí sîn-keng
吵吵闹闹真侥幸 Chhá-chhá-nāu-nāu chin hiau-hēng
这种戏出不如停 Chit-chióng hì-chhut put-jû thêng

十月初十唱国歌 Cha̍p-goe̍h chhe-cha̍p chhiùⁿ kok-koa
有人心情袂快活 Ū-lâng sim-chêng bē khùiⁿ-oa̍h
有人气甲一直掣 Ū-lâng khì kah phi̍h-phi̍h-chhoah
有人袂爽乌白喝 Ū-lâng bē-sóng o͘-pe̍h hoah

有人恬恬像着痧 Ū-lâng tiām-tiām chhiūⁿ tio̍h-soa
有人内心像刀割 Ū-lâng sim-lāi to teh koah
有人唱甲呸喙澜 Ū-lâng chhiùⁿ kah phùi-chhùi-nōa
有人唱甲像苦旦 Ū-lâng chhiùⁿ kah chhiūⁿ khó͘-tòaⁿ

有人向天咧咒誓 Ū-lâng ǹg-thiⁿ teh chiù-chōa
永远毋唱这条歌 Éng-oán m̄ chhiùⁿ chit-tiâu koa
咱的国歌遮拖磨 Lán ê kok-koa hiah thoa-bôa
吾党所宗到遮煞 Ngó͘-tóng-só͘-chong kàu-chia soah