《台语kah魔术》

 | | | 转寄

重阳节0909

作者 苏晏德 2022.10.02

＊重阳节(台语文)Tiông-iông-cheh
九月初九重阳节 Káu-goe̍h chhe-káu Tiông-iông-cheh
现代敬老添话题 Hiān-tāi kèng-nó͘ thiam ōe-tê
长辈聚集展才艺 Tióng-pòe chū-chi̍p tián châi-gē
啥物出头逐项会 Siáⁿ-mi̍h chhut-thâu ta̍k-hāng ē

九月初九是重阳 Káu-goe̍h chhe-káu sī Tiông-iông
长者智慧爱发扬 Tióng-chiá tì-hūi ài hoat-iông
疼惜序细人有量 Thiàⁿ-sioh sī-sè lâng ū-liōng
是咱心中老英雄 Sī lán sim-tiong lāu eng-hiông

九月初九敬长辈 Káu-goe̍h chhe-káu kèng tióng-pòe
祝咱序大食百岁 Chiok lán sī-tōa chia̍h pah-hòe
智慧善心拢加倍 Tì-hūi siān-sim lóng ka-pōe
身体健康走若飞 Sin-thé kiān-khong cháu ná poe

九月初九敬老人 Káu-goe̍h chhe-káu kèng lāu-lâng
莫予孤单守空房 Mài hō͘ ko͘-toaⁿ chiú khang-pâng
出外活动人轻松 Chhut-gōa oa̍h-tāng lâng khin-sang
人生开始欲出帆 Jîn-seng khai-sí beh chhut-phâng