《台语kah魔术》

 | | | 转寄

0512护士节

作者 苏晏德 2023.05.07

护士节(台语文) Hō͘-su-cheh

五月十二护士节 Gō͘-goe̍h cha̍p-jī Hō͘-su-cheh
护士精神传国际 Hō͘-su cheng-sîn thoân kok-chè
照顾患者的身体 Chiàu-kò͘ hoān-chiá ê sin-thé
安慰病人爱鼓励 An-ùi pēⁿ-lâng ài kó͘-lē

护理工课足辛苦 Hō͘-lí khang-khòe chiok sin-khó͘
患者需要伊照顾 Hoān-chiá su-iàu i chiàu-kò͘
处事冷静袂糊涂 Chhú-sū léng-cheng bē hô͘-tô͘
食苦当做是食补 Chia̍h-khó͘ tòng-chò sī chia̍h-pó͘

医疗助理靠护士 I-liâu chō͘-lí khò hō͘-sū
为着病患来服务 Ūi-tio̍h pēⁿ-hoān lâi ho̍k-bū
护士工课真特殊 Hō͘-sū khang-khòe chin te̍k-sû
牺牲奉献阁无私 Hi-seng hōng-hiàn koh bô-su

护理人员真拍拚 Hō͘-lí jîn-oân chin phah-piàⁿ
关心患者的病痛 Koan-sim hoān-chiá ê pēⁿ-thiàⁿ
保全宝贵的性命 Pó-choân pó-kùi ê sèⁿ-miā
阮欲共你说多谢 Goán beh kā lí seh to-siā