《主編e5話》

 | | | 轉寄

2005 台語文學學術研討會

作者 Chuniok 2005.11.06

真歡喜ē-tàng參加今年ê台語文學學術研討會，這是由文建會指導，國家台灣文學館主辦，台南女子技術學院承辦，金安文教機構贊助，10月29~30日tī國家台灣文學館國際會議廳舉辦，約200座位ê會場滿滿滿，學員大多是台文系kap台語系ê學生。

發表ê論文豐盛koh多元，有「語言、文學kap民族國家ê建構：台語文學運動史初探(蔣為文)、「叫你一聲koh一聲：林央敏ê台語文學史建構初探」(方耀乾)、「寂寞或是鬧熱ê花園：《菅芒花》詩刊ê文學實踐kah運動內涵試論」(施俊州)、「台灣布袋戲ê口語美學」(陳龍廷)、「客語詩ê特色」(曾昌發)、「現階段客語文學ê歷史意義」(黃恆秋)、「台語文學參與台灣歷史解說ê重要性」(丁鳳珍)、「禁錮kap脫出：論歌á冊《最新運河奇案歌》中ê自由戀愛觀」(張玉萍)、「Holo歌á kah Hakka傳á《中部地動歌》ê比較kap分析」(陳永鑫)、「狂歡pah！諸神！許丙丁《小封神》ê狂歡詩學」(陳恆嘉)、「在地異鄉人ê詩情：論陳明仁《流浪記事》以後ê詩作」(廖瑞銘)、「本土性ê觀懷，開拓性ê書寫：方耀乾詩集《將台南種tī詩裡》ê寫作特色」(歐純純、田啟文)、「蔡培火白話字散文集《十項管見》ê關鍵：論述中ê譬喻」(李勤岸)、「胡民祥ê台語文學ê實踐：以《茉里鄉記事》為探討文本」(周華斌)、「一種台語文學ê閱讀模式及後母形象：以《春天ná會hiah-nih寒》為討論文本」(吳達芸)、「母親、母土kap母語：鄭雅怡台語作品中ê女性書寫」(陳慕真)、「《鄉史補記》去殖民kap去漢ê歷史詮釋」(鄭雅怡)、召喚苦澀原汁、延長賞味期限：論清文小說《蝨目á ê滋味》中失落語詞ê積極意涵」(呂美親)。

第一次用台語文學(前lóng是台灣文學)ê研討會，有hiah-nih好ê成績，koh chiok年輕化，值得鼓掌。