《胡文池牧師kap布農族》

 | | | 轉寄

哀哉!蓋tī沙土上ê教會

作者 胡文池 2009.03.01

打馬煙教會是噶瑪蘭族ê代表性教會。教堂kap信徒ê厝起tī海邊沙地上，靈性上mā是án-ne。

打馬煙教會，伊bat有過二百gōa名信徒。但是像暈花一現，轉瞬消失tī教會歷史中。原因何在?

我受派到頭城教會，tī一九三六年四月第一主日，主持禮拜時， 看tio̍h tī會眾最後列，坐有二位老太太，in身穿褪色ê烏色粗布衫褲，無穿鞋，面kap腳手lóng乎日頭晒成赤銅色，垂頭á坐，暮氣 沉沉!一看就知影是庄腳人。了後chiah知影in是打馬煙漁村教會殘留落來ê信徒。

一八八三年末，偕牧師帶領一陣門徒，浩浩蕩蕩前來噶瑪蘭地方傳道。當時ê噶瑪蘭族(平埔族一支派)聽信妖言，驚惶死了後會hō͘基督教傳道師挖眼，取心。Siōng早m̄敢信教。了後頭目「阿督」tī外地聽了道，koh因被偕牧師挽嘴齒á信了主。阿督回鄉了後勸告全部族人除去偶像，改信基督教領受洗禮。家己iáu借用偕牧師ê姓冠tī家己名字上。

偕阿督獻出家己房屋為禮拜堂。每禮拜日人數有二百名之多。但是，該族民智未開，嗜酒、lán-si、吸鴉片樣樣來，徒有基督信徒之名，á無聖徒新生活之實，soah致使無法度tī本地kap勤儉成性ê漢人競爭，伊遷花蓮謀生者真chē。因此打馬煙教會ê人數漸漸減少，終到kui-ê教會消失。

一九一七年，徐春生傳道師看tio̍h打馬煙教會前途無望，tùi án-ne轉向漢人khiā起ê頭城傳道，得tio̍h數名信徒，了後創立了頭城教會，chiah將殘留ê打馬煙少數信徒合併過來。

雖然一九0一年偕牧師往生以了後，北部教會為tio̍h紀念伊tī噶瑪蘭方面ê傳道功績，bat捐獻一座石造教堂tī打馬煙， beh挽回教勢，却得bē-tio̍h一絲á效果。無久以了後，蓋tī海邊沙地上ê所有茅屋，連石造ê教堂mā被暴風狂浪漸漸拖行，最後沉入去海底去了。

「那聽見我chiah-ê話á不實行ê，ná親像一個愚戇
Ê人，kā房屋蓋tī沙土上，一遭風吹、雨phah、
水沖，房屋就倒塌了。」(馬太福音七：26-27)

●哀 歌
衰哉!打馬煙教會
「有誰像你遭受án-ne災難?
你ê災禍像大洋無邊無際。」(哀歌二：13)

「主teh發怒ê日子，
連家己ê聖殿mā丟了。
(哀歌二：1)

「lín是上帝ê殿，上帝ê靈tòa-tī lín內面。
因此，若是有人毀壞了上帝ê殿，上帝一定
tio̍h毀滅伊。」(歌林多前書三：16-17)