《胡文池牧師kap布農族》

 | | | 轉寄

後 記

作者 胡文池 2010.01.31

台灣山地傳教總司令，孫雅各牧師siōng早派遣我到山地傳教時，bat交代我boeh辦二件事，就是：
1. tio̍h儘速傳福音
2. tio̍h翻譯聖經為布農話
我聽從命令，一面傳福音，一面學習布農話，以備翻譯聖經，從m̄敢懈怠。

一、傳福音
「萬事lóng有時效。」(傳道冊三：1)
我進入山地傳教hit時，台灣各地尚無電視，夜間boeh招請原住民來聽福音真容易，in單純ê心靈得tio̍h神特別ê祝福，福音就漸漸傳開到每一個村莊了。一九七八年，布農族教會已經發展為中會，成做自治、自養、自傳ê宣教團體。

二、翻譯聖經
原住民自古以來雖然有語言，但是無文字。我到山地二年了後，就用羅馬字制定十七個字母教授in。五年了後，出版布農語聖歌集kap馬太福音傳。

一九七三年，布農語新約聖經終其尾出版，完成ê了所受託ê任務。

有關出版布農語聖經，上帝一直kap我同在並有siōng良好ê安排。因為天主教方面mā希望使用chit本聖經，就派瑞士籍ê貝惠德神父來協助商討出版事宜。

伊由瑞士招請小妹專程來台，為tio̍h這聖經phah字，奉獻半年寶貴ê時間，準備原稿，來方便製版kap付印，貢獻真大。

三、回首前塵lóng主恩
福音已經傳遍布農族各村，新約聖經也已經翻譯完成。

Chit時，我ê頭毛已經蒼白，小兵變成了老兵， bōe-sái koh再翻山jú嶺。因此tī一九七一年八月申請退休，tńg來到平地來做自由傳道工作。

無想tio̍h一九八二年六月十五日，台灣神學院認為我對山地傳教有所頁獻，就贈送我榮譽神學博士學位。次年五月，台灣省政府mā以我熱心公益，服務人群，特別表揚並頒贈獎牌。

得tio̍h遠些獎賞，我除了滿心感謝上帝外，iáu特別tio̍h感激ê是我婦人人-葉寶玉女士，伊是我傳道幾十年來siōng得力ê助手。伊tùi純德高女畢業了後就kap我結婚，過tio̍h牧家勤儉刻苦ê生活。一九四0年通過臺灣總督府助產士檢定考試合格了後，m̄-nā ē-tàng為人接生貼補家用，hō͘兒女們lóng ē-tàng受良好教育，上帝mā賜hō͘婦人人滿滿ê愛心，hō͘伊常用實際行動幫助sàn-chhiah ê人，或幫助我接待原住民宣道師。

Tī傳福音ê事工上伊mā真積極，常利用kap產婦接觸ê機會傳福音hō͘ in。最近tī臺北親友ê囍宴中，二位劉家súi ê姐妹前來對婦人人講:「非常感激您將福音傳hō͘我祖母，hō͘阮tùi án-ne lóng ē-tàng認織主，真正，非常多謝您。」福音傳hō͘ in ê祖母劉陳彰美女十，是四十年前ê事，福音ê種子tùi-án-ni tī in家發芽，長大。現在伊ê二個kiáⁿ兒lóng是教會長老，孫兒tī團契或教會中mā lóng熱心服事主，感謝上帝賜福chit-ê家庭。

婦人人除了當助產士外，iáu bat任「山地女子聖經學校音樂名師」二年，關山國中音樂老師二年，「瑪利亞山地產院」院長十年，十年中接生了超過五千名娃兒，可見當初伊是何等無閒。我每pái外出關佈道會、講習會lóng tio̍h幾工，伊除了無閒ê工作，iáu kā八個兒女lóng照顧得真好，厝裡mā整理得清氣整潔，hō͘我無後顧之憂。

我不是beh誇耀家己ê人，只是想表達我內心無限ê感激。如果無伊近半個世紀辛勤地配搭，恐驚我一生ê事奉就beh phah真大ê折扣。

「那美好ê仗我已經phah過了，當走ê路我已經走盡了。」現在對世間ê名利mā看淡了，只等待上主ê恩召，tī天堂享受永遠ê榮光。