《胡文池牧師kap布農族》

 | | | 轉寄

誰比較聰明

作者 胡文池 2009.08.02

「自稱做聰明，反成了愚拙。」(羅馬冊一：22)

一九四九年，我到馬遠傳福音，當時kui-ê村莊lóng無人信主。有一人名叫披馬(pi-ma)，伊真想信主但koh驚惶受騙。Tùi án-ne佈道會結束了後，伊行到附近ê雜貨店問老板ê意見。

那時chūn ê原住民不時到雜貨店買酒lim，每工lóng lim得醉醉ê，昏昏沉沉ê過日子。雜貨店thàn siōng chē ê mā就是in ê酒錢。老板驚原住民信主了後會清醒，會戒煙酒，á影響了伊ê seng-lí。所以當披馬來問伊該無應該信主時，伊用了一句自認為真有智慧ê話反問披馬講:

「你認為阮平地人比較聰明。Iáu是lín山地人?」
「當然lín比較聰明!」披馬坦承ê講。因為伊想tio̍h族人tī山間艱苦ê生活，怎樣ē-tàng和平地ê文明人相比。
「那就對了!你看看阮平地人無幾個信基督教，如果基督教真正真好，阮早lóng去信了。阮m̄信，你為什麼boeh戇戇ê去相信neh?」老板講。

披馬聽了，感覺真有道理。但是聖靈tī伊內心動工，伊m̄-nā接受耶穌為救主，了後來iáu去讀玉山神學院，成做傳道師、牧師。

當初我到馬遠佈道時，按馬bat熱誠地接待我到in-tau tòa宿，並將屋中kan-ta有ê一件毛毯hō͘我蓋。In則tī厝內用木柴生火，一家人縮身圍靠火邊取暖，度過寒冷ê冬夜。過了幾年，我koh有機會到馬遠教會講道，披馬koh再接待我到in家，無想tio̍h in全家信主了後，家境改善了真chē，厝內m̄-nā已經有kúi-nā件溫暖ê棉被，iáu增添了bē少ê傢俱，甚至連縫紉機、腳踏車mā lóng有了。

感謝主，福音ê好消息不似改變了in ê心，mā改善了in ê生活。

馬遠教會設教四十週年感恩禮拜時，我koh度遇tio̍h披馬，伊感激ê對我講:「佳哉你來傳福音，kā chiah-ni̍h重要ê信息kā阮講。Hō͘阮chiah有今á日，真是多謝您。」由in感恩ê心，我mā禁bē-tiâu感謝主賜hō͘ in智慧ê心來接受福音。

「你tio̍h專心仰賴耶和華，bē-tàng倚靠家己ê聰明;tī你一切所行ê事頂面，lóng tio̍h認定伊，伊必指引你ê路。Mài自認為有智慧， tio̍h敬畏耶和華，遠離惡事，這便醫治你ê肚臍、滋潤你ê百骨。你tio̍h以財物kap一切初熟ê土產，尊榮耶和華。Án-ne，你ê倉房，必充滿有chhun;你ê酒醡，有新酒盈溢。」(箴言三：5－10)