《台語kah魔術》

 | | | 轉寄

1221~22冬節魚冬節圓

作者 蘇晏德 2023.12.17

＊Tang-cheh-hî tang-cheh-îⁿ
＊冬節魚冬節圓
Sió-seh kòe liáu sī tōa-seh
小雪過了是大雪
Tōa-seh koh kòe sī tang-cheh
大雪閣過是冬節
Tang-pak kùi-hong hu-hu-chhoe
東北季風hu-hu吹
Mê siōng tn̂g o͘-hî lâi chò-kheh
暝上長烏魚來做客
Hî-bîn nî-bóe ê hō-lé
漁民年尾ê賀禮
Ta̍k-ke lâi so îⁿ-á-chhè
逐家來挲圓仔粞
Hoaⁿ-hí chia̍h îⁿ ke chi̍t-hòe
歡喜食圓加一歲
Kiâm-îⁿ bí-ko môa-iû-ke
鹹圓米糕麻油雞
Tang-cheh tīm-pó͘ kò͘ sin-thé
冬節燉補顧身體
Siàu-liām chó͘-sian lâi hiàn-chè
數念祖先來獻祭
Choân-ke tōa-sè thoân-îⁿ chē
全家大細團圓坐
Pêng-an hí-lo̍k kòe chi̍t-mê
平安喜樂過一暝