《台語kah魔術》

 | | | 轉寄

0615警察節

作者 蘇晏德 2023.06.11

＊警察節 Kéng-chhat-cheh
六月十五警察節 La̍k-goe̍h cha̍p-gō͘ kéng-chhat-cheh
警察護民閣安家 Kéng-chhat hō͘ bîn koh an-ke
維持治安勤務濟 Î-chhî tī-an khîn-bū chē
規年辛苦愛鼓勵 Kui-nî sin-khó͘ ài kó͘-lē

警察精神真偉大 Kéng-chhat cheng-sîn chin úi-tāi
天災地變愛救災 Thian-chai tē-piàn ài kiù-chai
代誌艱苦愛忍耐 Tāi-chì kan-khó͘ ài jím-nāi
拒絕引誘愛正派 Kī-choa̍t ín-iú ài chiàⁿ-phài

警察任務足辛苦 Kéng-chhat jīm-bū chiok sin-khó͘
毋管透風抑落雨 M̄-koán thàu-hong ah lo̍h-hō͘
暗時出勤毋驚烏 Àm-sî chhut-khîn m̄-kiaⁿ o͘
頭殼清楚袂糊塗 Thâu-khak chheng-chhó bē hô͘-tô͘

警察作穡真拍拚 Kéng-chhat choh-sit chin phah-piàⁿ
拄著困難攏毋驚 Tú-tio̍h khùn-lân lóng m̄-kiaⁿ
看著賊仔趕緊掠 Khòaⁿ-tio̍h chha̍t-á kóaⁿ-kín lia̍h
祝恁平安閣勇健 Chiok lín pêng-an koh ióng-kiāⁿ