《台語kah魔術》

 | | | 轉寄

0512護士節

作者 蘇晏德 2025.05.11

護士節(台語文)
Hō͘-su-cheh

五月十二護士節
Gō͘-goe̍h cha̍p-jī Hō͘-su-cheh
護士精神傳國際
Hō͘-su cheng-sîn thoân kok-chè
照顧患者的身體
Chiàu-kò͘ hoān-chiá ê sin-thé
安慰病人愛鼓勵
An-ùi pēⁿ-lâng ài kó͘-lē

護理工課足辛苦
Hō͘-lí khang-khòe chiok sin-khó͘
患者需要伊照顧
Hoān-chiá su-iàu i chiàu-kò͘
處事冷靜袂糊塗
Chhú-sū léng-cheng bē hô͘-tô͘
食苦當做是食補
Chia̍h-khó͘ tòng-chò sī chia̍h-pó͘

醫療助理靠護士
I-liâu chō͘-lí khò hō͘-sū
為著病患來服務
Ūi-tio̍h pēⁿ-hoān lâi ho̍k-bū
護士工課真特殊
Hō͘-sū khang-khòe chin te̍k-sû
犧牲奉獻閣無私
Hi-seng hōng-hiàn koh bô-su

護理人員真拍拚
Hō͘-lí jîn-oân chin phah-piàⁿ
關心患者的病痛
Koan-sim hoān-chiá ê pēⁿ-thiàⁿ
保全寶貴的性命
Pó-choân pó-kùi ê sèⁿ-miā
阮欲共你說多謝
Goán beh kā lí seh to-siā