《耶穌言行錄》

| | | 轉寄

Tē-84-chiuⁿ,Cha̍p ê chāi-sek-lú ê phì-jū

作者 Ko Kim-seng. 2009.11.15

（Má-thài 25：1-13）
"Thian-kok thang pí-phēng cha̍p ê chāi-sek-lú，mî-sî kia̍h teng chhut khì，beh ngiâ-chih sin-kiaⁿ-sài.Gō͘ ê ū tì-sek，gō͘ ê sī gōng.Gōng—e5kiah8 teng bô pī-pān iû；tì-sek—ê kia̍h teng，khì-kū iû chhòng piān-piān.Sin-kiáⁿ-sài iân-chhiân，lóng-chóng tuh-ka-chē teh khùn.Pòaⁿ-mî ū siaⁿ kiò kóng，"Sin-kiáⁿ-sài kàu lah，tio̍h chhut khì ngiâ-chih i. "Chèng chāi-sek-lú sûi-sî khí-lâi，koh chéng in ê teng.Gōng—ê kā ū tì-sek—ê kóng，"Chiong lín ê iû pun goán，goán ê teng beh hoa. "Ū tì-sek—ê kóng，"Kiaⁿ-liáu lín goán lóng-chóng bô kàu，khah hó lín khì chhī-nih lâi tah. "Khì tah ê sî sin-kiáⁿ-sài kàu，ū pī-pān iû ê kap i saⁿ-kap ji̍p，chē iân-sia̍h，mn̂g chiū koaiⁿ.Āu-lâi hiah ê khì tah iû ê lâi，chiū kóng，"Chú ah，chú ah，chhiáⁿ kā goán khui. "I kóng，"Góa si̍t-si̍t kā lín kóng，góa m̄-bat lín. "Só͘-í tio̍h kín-sīn，in-ūi Jîn-chú kàu，hit ê sî-ji̍t lín m̄-chai. "

Kàu-hōe lāi ū nn̄g hō ê lâng，chi̍t hō sī chin-si̍t ê sìn，sim-lāi ū Sèng Sîn ê un-tián，só͘-í Chú nā kàu，piān-piān thang kap I ji̍p thian-tông，hióng-siū éng-oán ê hok-khì.Koh chi̍t hō，ū miâ bô chin-si̍t sìn ê lâng，sim-lāi bô Sèng Sîn ê un-tián，só͘-í Chú kàu ê sî bōe-tit-thang kap I ji̍p thian-tông hióng-siū hok-khì.Āu-lâi siat-sú pek-chhiat kiû Chú khui mn̂g hō͘ in ji̍p，ia̍h bô chhái-kang，in-ūi mn̂g í-keng koaiⁿ lah，só͘-í lâng tio̍h chhin-chhiūⁿ ū tì-sek—ê pī-pān sim，in-ūi m̄-chai Chú tī-sî ōe kàu.

思羅安台語點字網站