《耶穌言行錄》

| | | 轉寄

Tē-69-chiuⁿ,Cha̍p ê thái-ko—ê

作者 Ko Kim-seng. 2009.08.02

（Lō͘-ka 17：12-19）
Iâ-so͘ keng-kè chi̍t ê hiuⁿ-siā，ū tú-tio̍h cha̍p ê thái-ko ê lâng hn̄g-hn̄g teh khiā，tōa siaⁿ kóng，"Iâ-so͘ Sian-siⁿ ah，lîn-bín goán. "Iâ-so͘ khòaⁿ-kìⁿ chiū kā in kóng，"Lín tio̍h khì hō͘ chè-si khòaⁿ. "In khì ê sî chiū tit-tio̍h chheng-khì.In chi̍t lâng khòaⁿ-kìⁿ ka-kī í-keng hó，chiū tò-tńg lâi，tōa siaⁿ kui êng-kng tī Siōng-tè，phak tī Iâ-so͘ ê kha-ê，kā I seh-siā.Chit lâng chiū-sī Sat-má-lī-a ê lâng.Iâ-so͘ kóng，"Kiám m̄-sī cha̍p lâng tit-tio̍h chheng-khì？Hí káu ê tī tah-lo̍h？Chit ê gōa kok lâng í-gōa，lóng bô khòaⁿ-kìⁿ in tò-tńg lâi kui êng-kng tī Siōng-tè. "Chiū tùi hit chi̍t lâng kóng，"Khí-lâi，chòe lí khì；lí ū sìn chiah ū tit-tio̍h kiù. "

Lâng ū hoān-tio̍h chōe-kòa pí hoān-tio̍h thái-ko ê chèng，it-hoat lī-hāi；í-keng hō͘ Iâ-so͘ kiù thoat-lī，eng-kai tioh chai I ê un-chêng lâi kui êng-kng tī Siōng-tè.Tio̍h o̍h Tāi-pi̍t kóng，"Góa ê sim-sîn to̍k-to̍k sī o-ló Iâ-hô-hoa，o-ló I ê sèng-miâ.Góa ê sim-sîn o-ló Iâ-hô-hoa，siàu-liām I ê un-tián bô bōe-kì-tit.I sià-bián góa ê chē-kòa，i-hó góa ê phòa-piⁿ. "

思羅安台語點字網站