《耶穌言行錄》

| | | 轉寄

Tē-64-chiuⁿ,Khiau-ku—ê tit-tio̍h hó

作者 Ko Kim-seng. 2009.06.28

（Lō͘-ka 13：10-17）
Tī chi̍t ê an-hioh-ji̍t，Iâ-so͘ ji̍p hōe teg5 kà-sī lâng.Ū-chi̍t ê hū-jîn-lâng hō͘ Sat-tàn só͘ tîⁿ，pīⁿ cha̍p-poeh nî kú，ka-chiah ku-ku bōe chhun-ti̍t.Iâ-so͘ khòaⁿ-kìⁿ tùi hū-jîn-lâng kóng，"Lí ê pīⁿ thang tháu lah；"chiū ēng chhiú kā i hōaⁿ.Hū-jîn-lâng liâm-piⁿ chhun-ti̍t，kui êng-kng hō͘ Siōng-tè.

Koán hōe-tn̂g ê khòaⁿ-kìⁿ Iâ-so͘ tī an-hioh-ji̍t i-pīⁿ，chiū oàn-hūn，kā chèng-lâng kóng，"La̍k-ji̍t chū-jiân tio̍h chòe-kang，thang lâi i-pīⁿ，an-hioh-ji̍t m̄-thang. "Chú kóng，"Ké-hó ê lâng ah，tī an-hioh-ji̍t lín ta̍k-lâng kiám bô khì tiâu-nih tháu gû，lû，khan-khì hō͘ i lim chúi mah？Hô-hòng chit ê hū-jîn-lâng，sī A-pek-lia̍p-hán ê hō͘-è，hō͘ Sat-tàn pa̍k cha̍p-poeh nî kú，kiám m̄ eng-kai tī an-siàu，chèng-lâng khòaⁿ-kìⁿ I kiâⁿ tāi-chì kng-bêng，chiū hoaⁿ-hí.

Lâng pún hō͘ Mô͘-kúi só͘ pé-pa̍k，pí hit ê hū-jîn-lâng ê pīⁿ khah siong-tiōng.Iâ-so͘ ū koân ōe kā lâng tháu-pàng；chóng-sī lâng nā ài tit-tio̍h I ê chín-kiù，tio̍h kūn-óa I.Hit ê hū-jîn-lâng lé-pài-ji̍t ji̍p hōe-tn̂g，tùi án-ni tit-tio̍h un-tián.Che sī hō͘ lán chai lé-pài-ji̍t kàu lé-pài-tn̂g hit ê tāi-chì tio̍h put-chí tùi-tiōng，in-ūi Iâ-so͘ hoaⁿ-hí tī an-hioh-ji̍t si-un.

思羅安台語點字網站