《台灣另類牧師．醫師─謝緯》

 | | | 轉寄

序二 「謝緯精神」ê另外一種展現

作者 陳金興 2011.05.22

到目前為止，我曾(bat)指導過兩篇用謝緯牧師/醫師做主題ê碩士論文，分別由謝大立及陳金興所撰寫。這兩位攏是認真鑽研史料且(koh)觀察力真深入也非常敏感ê研究者。上特別的是，兩ê人攏深受謝緯ê人格與生命特質所感動，因此，文筆中總是帶著豐富ê感情。謝大立ê論文經過整理已經分做《謝緯與他ê時代》及《謝緯日記》兩冊出版，現在聽著陳金興ê論文將(beh)改編由前衛出版社出冊，心中十分ê歡喜及安慰。

金興是一位閱歷豐富且(koh) mî-nōa 不放棄ê人。會記得每次(pái) 與他討論論文ê進度，他攏是由(tùi)中部趕緊開車來到台北，koh再開上草山，相當辛苦。雖罔有時討論時間只有短短一兩點鐘，iau-kú他攏表現出真趣味koh bē 厭懶。看著他又ài趕緊開車轉去ê時，我未免感覺歹勢。M̄-kú無久會koh接著他ê電話或e-mail，因為koh有新ê發現或想法。我想，就是因為這種精神，所以纔有今仔日這本書(chheh)ê出版，這mā可講是「謝緯精神」ê另外一種展現。

本書以《台灣另類牧師‧醫師—謝緯》為題，我感覺非常貼切。對於「另類」一詞，有可能大家會有無仝之解讀，chit-tia̍p，我來引用一位當代舊約聖經學大師布魯格曼(Walter Brueggemann)對「先知性想像力」(prophetic imagination)所下ê定義來共(kā)它說明。布魯格曼曾(bat)來過台灣神學院，於「馬偕紀念講座」擔任主講者，了後，他將講座內容結集出版做一本書，叫做《另類之見證》(Testimony to Otherwise)。他tī書中指出：想像力是「上帝帶領而且轉化咱ê一種精神力量，它不斷來粉碎咱ê既定範疇(category- shattering)，並重新形塑咱ê世界(world-forming)」，它也是「上帝所賜ê新能力，hō͘咱會得thang被解放，並以另類、與傳統無仝款ê方式來透視（想像）有關上帝、世界、自我ê新現實」。事實上，熟識聖經所呈現ê「異象世界」(visionary world)ê人攏清楚認知，聖經中ê先知傳統與耶穌ê福音傳統tú-á為「另類思考」提供上好ê典範與參照點。事實上， 這也就是謝緯一生委身濟世、服務他者ê精神根源。

但願本冊ê出版，ē-tàng 使 koh-khah 多人認識謝緯這位台灣另類牧師‧醫師，也使謝緯彼款深刻豐富ê人格及生命特質影響、感染koh-khah 多ê台灣人。


─ 台灣神學院教會歷史學教授•學術副院長
鄭 仰 恩
於草山嶺頭
2010年6月2日