《赤崁樓ê情phoe》

 | | | 轉寄

Ióngchiá Ūntōng Hōe —— Sin sim chiònggāi chiá

作者 Koa Pek'êng 2021.06.27



Kimsek ji̍tthâu kôankôan kòa thiⁿténg
Pe̍hsek hûnlúi sûi hong lōngliulian
Chiáuchiah tī chhiūki liu liulông
Hoaⁿhí ê chôaⁿchúi ti̍tti̍t tiòng

Lûn’í téngthâu chi̍t pha sènglī hóe
Ióngchiá thêngthêng phahkhui hó kèsè
Chhun kha hàiⁿ chhiú chêchê khiā chòhóe
Khihkak ê phangbī siámsih beh khípoe

Khòaⁿ! Oaichhoa̍h ê chhùikak khiàu chiūⁿ thiⁿ
Khòaⁿ! Oankhiau ê chhiúkut tián tōa si̍t
Khòaⁿ! Khangkhang ê ba̍kchiu chhiò hihi
Khòaⁿ! Kiu té ê khathúi siōngkài súi

Chi̍t tīn gín’á teh thiàubú
Chhuchhu ê kikut kha phûphû
Iôtāng siósió ê khachhng hoe
Chhiòsiaⁿ chhiongbóan thiⁿ kah tē

Koaiⁿ ân ê simthang phah khuikhui
Bāng tī thang gōa teh siámsih
Khihkak ê chéngchí puh sin íⁿ
Chhiong chhut o͘hûn chhiong chhut lî

Thêseng ê chhiú ke chi̍t siang
Tîmlûn ê sim kiám chi̍t lia̍p
Pátīⁿ ê ài chò pûité
Sìⁿmiā khih chi̍t kak mā bô koanhē