《台灣之愛：盧俊義牧會筆記》

| | | 轉寄

原住民醫療服務之父──井上伊之助ê故事

作者 盧俊義 2006.01.08

「我beh替父親報仇﹗」chit句話是一位日本人名叫「井上伊之助」講ê。

時間是發生tī一九○六年七月三十一日，當時有一位日本賀田樟腦株式會社採取組名叫「井上」ê技術員，因為到花蓮秀林鄉佳民村出差，m̄知是啥原因，竟然被太魯閣族ê原住民thâi死。

消息傳tńg來到日本ê時，伊ê kiáⁿ兒「井上伊之助」原本是神學院ê畢業生，tú好tú-teh參加一場日本基督教會舉辦ê靈修會，當伊聽tio̍h父親被台灣原住民thâi死ê消息了後，心中非常悲憤，一直問講為甚麼會án-ne？也真激動teh表示一定beh去台灣替父親「報仇」﹗

講也奇怪，hit-pái ê靈修會演講者tú-teh講解聖經信息：「tio̍h愛lín ê仇敵」（參考馬太福音五︰44），隨時伊腦海中想起了耶穌所講ê話︰「兩隻麻雀固然用一個銅錢就買會tio̍h，但是lín ê天父若無許可，一隻也bē lak tī地上。」（馬太福音十︰29）hō͘伊猛然醒悟過來，認為父親ê死，必定有上帝ê旨意。就tī chit時，耳孔邊聽tio̍h一絲輕微ê聲音kā伊講︰「siōng好ê報復方式，就是用愛贏過惡。」（參考羅馬書十二︰21）伊終於明白聖經ê教訓︰生命中最大ê力量就是愛，也只有愛chiah ē-tàng改變人，並m̄是軍事武器，也m̄是政治勢力，卻是愛﹗因為只有愛，chiah ē-tàng hō͘人kap人ê間ê仇恨消弭、平息。Tùi án-ne，伊決定beh到台灣來傳耶穌福音ê愛hō͘原住民聽。

因為當時日本政府ê「理蕃政策」，tú-teh有計畫tek beh將原住民ê宗教信仰全部「神道化」，因此禁止任何傳道者進入原住民部落傳福音。井上伊之助知影chit種限制了後，就進入醫學院讀書。一九一一年八月，伊終於通過醫師許可證，並隨時tī同年十月十六日來台灣，而且得tio̍h許可進入原住民社區從事醫療工作。其實伊真正ê目的是beh用醫療服務來傳耶穌ê福音hō͘原住民，伊講這是siōng好ê「報仇」方式。M̄是用仇恨，卻是用真心ê愛來回應原住民thâi死in父親ê悲痛。

就án-ne，伊ê腳跡遍佈羅東、花蓮、桃園、新竹、南投霧社等原住民部落，長達三十五年之久。伊tī行過ê部落裡設立醫療站，醫治原住民身軀ê疾病，並同時傳福音hō͘ in，滋潤in ê心靈。也因為án-ne，井上伊之助後來就被原住民稱之為「台灣原住民醫療之父」，伊也是傳福音hō͘台灣原住民ê先驅。

一九四五年，第二次世界大戰結束，伊決定beh繼續留tī台灣傳福音hō͘原住民，並且為beh hō͘原住民得tio̍h koh-khah好ê醫療照護，伊甚至改名為「高天命」，向當時國民黨政府派來台灣ê長官公署申請留落來，並且得tio̍h許可。伊án-ne做ê原因，就是tī表明伊beh用生命ê代價，贖回原住民thâi死in父親ê罪，也同時用chit種方式對原住民見證上帝tī耶穌基督裡對伊ê愛。非常可惜是tī一九四七年發生二二八事件後，伊被強制遣送回日本。

咱ê社會有恨，因為咱tùi細漢就被教育ài恨，而且恨咱連看lóng無看過ê共產黨，結果chit種莫名其妙ê恨tī解嚴了後，反tńg tī咱社會ê每個角落裡滋生蔓延。也因為án-ne，tī咱ê教育中差不多無愛、真實ê生命之愛。Tùi án-ne，咱看tio̍h tī國會殿堂中充滿著恨，hiah-ê ē-tàng上鏡頭ê消息差不多lóng是kap恨有關，表演ê立委心中有恨，看新聞ê民眾則是jú看jú恨，恨in老是無論國政，也真少有寬恕、赦免ê行動出現tī咱生活ê新聞裡。特別是tī chit次ê選舉中，透過政治人物ê炒作、新聞媒體ê加料，致使chit種原本隱藏tī心底深處ê恨，chē到四溢外流，甚至有kóa家庭、親朋好友也突然莫名地疏遠了﹗koh-khah荒謬ê，就是因為chit-pái選舉ê恨也瀰漫tī基督教會裡面，tī一個原本lóng是teh講寬恕、赦免、接納之愛ê基督團契裡，竟然也彼此相恨起來，á m̄是遵行耶穌教訓ê彼此相愛，這實在是悲哀ah﹗

真實ê愛，是生命ê愛，chit種愛是無價ê。因為chit種ê愛是「無利可圖」ê，卻是只有犧牲kap奉獻，只有ê就是寬恕、接納，kap憐憫。井上伊之助醫師對原住民ê愛就是án-ne，伊用koh-khah chē ê愛來包容、赦免對方，chit種方式chiah正是咱社會所欠缺而需要學習ê功課。 （原載於自由時報2004年6月27日第15頁）

盧俊義牧師的個人網站。