| 編號 | 原文漢羅版 | 原文台灣字版 | 解說漢羅版 | 解說台灣字版 | 分類漢羅版 | 分類台灣字版 | 影像 | |
| 751 | 官好 衙門pháiⁿ | Koaⁿ hó gêmn̂g pháiⁿ | 官吏好，m̄koh衙門ê小卒pháiⁿ。 | Koaⁿlī hó, m̄koh gêmn̂g ê sióchut pháiⁿ. | 官 | Koan | 原冊掃描 |
| 752 | 官有正條 民有私約 | Koan iú chèng tiâu, bîn iú suiok. | 官吏有做官ê規則，人民有kakī ê私約。 | Koaⁿlī ū chò koaⁿ ê kuichek, jînbîn ū kakī ê su iok. | 官 | Koan | 原冊掃描 |
| 753 | 官 有兩口 | Koan iú lióng khó͘ | 官ê漢字有兩个口。嘲笑官吏ê話無一致。 | Koaⁿ ê Hànjī ū nn̄gê kháu. Sauchhiò koaⁿlī ê ōe bô ittì. | 官 | Koan | 原冊掃描 |
| 754 | 縣口猪血 siâⁿ蠅 | Koān kháu tihuih siâⁿsîn | 縣廳門口ê猪血擔siâⁿ胡蠅óa來。指菜店chabó͘妝kahsúisúi teh招買春客。 | Koān thiaⁿ mn̂gkháu ê ti hoeh tàⁿ siâⁿ hô͘sîn óa lâi. Chí chhàitiàm chabó͘ chng kah súisúi teh chio béchhun kheh. | 官 | Koan | 原冊掃描 |
| 755 | 官久 則富 | Koan kiú chek hù | 官做久to̍h ē變富裕。 | Koaⁿ chò kú to̍h ē piàn hùjū. | 官 | Koan | 原冊掃描 |
| 756 | 官官 相爲 | Koan koan siong ūi | 官吏kah官吏hō͘相偏袒。 | Koaⁿlī kah koaⁿlī hō͘ sio phianthán. | 官 | Koan | 原冊掃描 |
| 757 | 官清 民自安 | Koan chheng bîn chū an | 官吏若清廉，人民自然to̍h ē平安過日子。 | Koaⁿlī nā chhengliâm, jînbîn chūjiân to̍h ē pêngan kòe ji̍tchí. | 官 | Koan | 原冊掃描 |
| 758 | 官情 薄如水 | Koan chêng po̍k jû súi | 官吏ê人情味，薄kah ná水。指官吏非常冷酷。 | Koaⁿlī ê jînchêngbī, po̍h kah ná chúi. Chí koaⁿlī huisiông léngkhok. | 官 | Koan | 原冊掃描 |
| 759 | 官不威 牙爪威 | Koan put ui, gêjiáu ui. | 官吏若無威嚴，下kha手ê小官吏to̍h ē展威。 | Koaⁿlī nā bô uigiâm, ēkha chhiú ê sió koaⁿlī to̍h ē tiánui. | 官 | Koan | 原冊掃描 |
| 760 | 三廳官 沒判得家內事 | Saⁿ thiaⁿ koaⁿ bōe phòaⁿ teh kelāi sū | 三廳ê官吏都無法度判斷家內事。意思是講連醫生都無法度醫kakī ê病。 | Saⁿ thiaⁿ ê koaⁿlī to bô hoattō͘ phòaⁿtoàn kelāi sū. Ìsù sī kóng liân iseng to bô hoattō͘ i kakī ê pēⁿ. | 官 | Koan | 原冊掃描 |
| 761 | 三年官 二年滿 | Saⁿ nî koaⁿ, nn̄g nî móa. | 任期三年ê官，做到二年to̍h落台。指人做官bē久長。 | Jīmkî saⁿ nî ê koaⁿ, chò kàu nn̄g nî to̍h móa. Chí lâng chò koaⁿ bē kútn̂g. | 官 | Koan | 原冊掃描 |
| 762 | 宰相肚內 好撑篙 | Cháiⁿsiòng tō͘ lāi hó the ko | 宰相ê腹肚內ētàng撑船。指好度量。 | Cháiⁿsiòng ê paktó͘ lāi ētàng theⁿ chûn. Chí hó tō͘liōng. | 官 | Koan | 原冊掃描 |
| 763 | 宰相肚內 好撑船 | Cháiⁿsiòng tō͘ lāi hó the chûn | Kah「宰相肚內 好撑篙」仝意思。 | Kah "cháiⁿsiòng tō͘ lāi hó theⁿ ko"kâng ìsù. | 官 | Koan | 原冊掃描 |
| 764 | 宰相不出門 能知天下事 | Cháiⁿsiòng put chhutmn̂g, lêng ti thianhā sū. | 宰相m̄免出門to̍h ē知天下ê tāichì。 | Cháiⁿsiòng m̄bián chhutmn̂g to̍h ē chai thianhā ê tāichì. | 官 | Koan | 原冊掃描 |
| 765 | 姓名書錦軸 朱紫佐朝廷 | Sèngbêng su gímtio̍k, chuchí chò tiâutêng. | 姓名若寫tī錦軸，to̍h ētàng 輔佐朝廷ê大官。朱紫是大官ê服裝。 | Sèⁿmiâ nā siá tī gímte̍k, to̍h ētàng húchò tiâutêng ê tōakoaⁿ. Chuchí sī tōakoaⁿ ê ho̍kchong. | 官 | Koan | 原冊掃描 |
| 766 | 上不正 下不正 | Siōng put chèng, hā put chèng. | 頂司若無正直，下kha手to̍h ē oaikô-chhi̍hchhoa̍h。 | Téngsi nā bô chèngti̍t, ēkhachhiú to̍h ē oaikô-chhi̍hchhoa̍h. | 官 | Koan | 原冊掃描 |
| 767 | 相門必有相 將門必有將 | Siòng bûn pit iú siòng, chiòng bûn pit iú chiòng. | 宰相ê家庭一定ē出宰相，大將軍ê家庭一定ē出大將。 | Cháiⁿsiòng ê katêng ittēng ē chhut cháiⁿsiòng, tāichiòngkun ê katêng ittēng ē chhut tāichiòng. | 官 | Koan | 原冊掃描 |
| 768 | 食人之祿 擔人之憂 | Chia̍h jîn chi lo̍k, tam jîn chi iu. | 若食人ê俸祿，tio̍h擔當人ê煩惱。 | Nā chia̍h lâng ê hōnglo̍k, tio̍h tamtng lâng ê hoânló. | 官 | Koan | 原冊掃描 |
| 769 | 做官 騙厝內 | Chò koaⁿ phiàn chhùlāi | 官吏騙kakī厝內ê人。因為想beh phòng風kakī ê俸祿來誇耀官職。 | Koaⁿlī phiàn kakī chhùlāi ê lâng. Inūi siūⁿ beh phònghong kakī ê hōnglo̍k kah chitkoân lâi khoaiāu koaⁿchit. | 官 | Koan | 原冊掃描 |
| 770 | 作客莫在後 事官莫向前 | Chokkhek bo̍k chāi hō͘, sū koan bo̍k hiòngchiân. | Beh做人客ê時，m̄thang tòe bē tio̍h；m̄koh beh做官ê時m̄thang向前衝，因為衝過頭ē受嫉妒，顛倒ē受害。 | Beh chò lângkheh ê sî, m̄thang tòe bē tio̍h; m̄koh beh chò koaⁿ ê sî m̄thang hiòng chêng chhiong, inūi chhiong kòethâu ē siū chi̍ttò͘, tiantò ē siū hāi. | 官 | Koan | 原冊掃描 |
| 771 | 朝爲田舍郎 暮登天子堂 | Tiau ûi tiânsià lông, bō͘ teng thianchú tông. | 早起時iáu是作穡人，beh暗á時to̍h高登天子ê殿堂。指人得時ê時，得意kah失意ê境遇差別。 | Chákhísî iáu sī chohsit lâng, behàm'á sî to̍h koân teng thianchú ê tiāntn̂g. Chí lâng teksî ê sî, tekì kah sit ì ê kénggū chhapia̍t. | 官 | Koan | 原冊掃描 |
| 772 | 朝無大腳宰相 野無大頭農夫 | Tiâu bô tōakha cháiⁿsiòng, iá bô tōathâu lônghu. | Tī朝庭無大腳勞動者ê宰相，tī田野無大頭無智慧ê農夫。 | Tī tiautêng bô tōa kha lôtōng chiá ê cháiⁿsiòng, tī chhâniá bô tōathâu bô tìhūi ê lônghu. | 官 | Koan | 原冊掃描 |
| 773 | 朝內無人 莫作官 | Tiâulāi bû jîn bo̍k chok koan | 朝庭內若無thang引進人 ，to̍h m̄thang想beh做官。 | Tiâutêng lāi nā bô thang ínchìn ê lâng , to̍h m̄thang siūⁿ beh chò koaⁿ. | 官 | Koan | 原冊掃描 |
| 774 | Chia̍p見官bē畏 chia̍p食酒bē醉 | Chia̍p kìⁿ koaⁿ bē ùi, chia̍p chia̍hchiú bē chùi. | Khah chia̍p去見官吏to̍h bē驚畏；khah chia̍p食酒to̍h bē緊醉。 | Khah chia̍p khì kìⁿ koaⁿlī to̍h bē kiaⁿùi; khah chia̍p chia̍h chiú to̍h bē kín chùi. | 官 | Koan | 原冊掃描 |
| 775 | 鐵面御史 | Thih bīn gūsú | 鐵面無私ê官史。(通俗篇) | Thih bīn bûsu ê koaⁿ sú. ( Thongsio̍k phiⁿ ) | 官 | Koan | 原冊掃描 |
| 776 | 清官難斷 家常事 | Chhengkoaⁿ lân toàn kasiông sū | 清廉ê官吏mā oh公平判斷家庭ê平常事。 | Chhengliâm ê koaⁿlī mā oh kongpêⁿ phòaⁿtoàn katêng ê pêngsiông sū. | 官 | Koan | 原冊掃描 |
| 777 | 清朝錢 明朝進士 | Chheng tiâu chîⁿ, Bêng tiâu chìnsū. | 清朝時代，錢siōng重要；明朝時代，進士siōng重要。 | Chheng tiâu sîtāi, chîⁿ siōng tiōngiàu; Bêng tiâu sîtāi, chìnsū siōng tiōngiàu. | 官 | Koan | 原冊掃描 |
| 778 | 將相 無種 | Chiòng siòng bû chéng | 將軍kah宰相，無種chí thang傳。 | Chiongkun kah cháiⁿsiòng, bô chéngchí thang thoân. | 官 | Koan | 原冊掃描 |
| 779 | 磚á廳 bē出粟 | Chng’á thiaⁿ, bē chhut chhek. | 官衙ê磚á廳房bē生產粟，所以tio̍h提供財物。 | Koaⁿgê ê chng'á thiaⁿpâng bē sengsán chhek, só͘í tio̍h thêkiong châibu̍t. | 官 | Koan | 原冊掃描 |
| 780 | 當朝一品 | Tong tiâu itphín | 當代ê一品官。 | Tongtāi ê itphín koaⁿ. | 官 | Koan | 原冊掃描 |