| 編號 | 原文漢羅版 | 原文台灣字版 | 解說漢羅版 | 解說台灣字版 | 分類漢羅版 | 分類台灣字版 | 影像 | |
| 721 | 天子 無萬年 | Thianchú bô bānnî | 天子無法度做到萬年。 | Thianchú bô hoattō͘ chò kàu bānnî. | 君主 | Kunchú | 原冊掃描 |
| 722 | 天地君親師 | Thian tē kun chhin su | 天、地、君王、父母、老師是siōng受尊重。 | Thiⁿ, tē, kunông, pēbú, lāusu sī siōng siū chuntiōng. | 君主 | Kunchú | 原冊掃描 |
| 723 | 稱王 稱帝 | Chheng ông chheng tè | 去做君王，去做皇帝。指去世外桃園，閒仙仙來享受生活。 | Khì chò kunông, khì chò hôngtè. Chí khì sègōa-thôoân, êng siansian lâi hiángsiū sengoa̍h. | 君主 | Kunchú | 原冊掃描 |
| 724 | 爭天 奪國 | Cheng thian toa̍t kok | 爭beh chiūⁿ天，koh搶奪國土。指大橫逆。 | Cheⁿ beh chiūⁿ thiⁿ, koh chhiúⁿtoa̍t kokthó͘. Chí tōa hêngge̍k. | 君主 | Kunchú | 原冊掃描 |
| 725 | 稱皇 稱帝 | Chheng hông chheng tè | Kah「稱王稱帝」仝意思。 | Kah "chheng ông chheng tè" kâng ìsù. | 君主 | Kunchú | 原冊掃描 |
| 726 | 跑 王爺馬 | Pháu ôngiâ bé | 騎王爺ê馬。指大膽越權。 | Khiâ ôngiâ ê bé. Chí tōatáⁿ oa̍tkoân. | 君主 | Kunchú | 原冊掃描 |
| 727 | 未去朝天子 先來謁相公 | Bī khì tiâu thianchú, sian lâi iat siongkong. | 去朝見天子chìn前，tio̍h先來晉見宰相。 | Khì tiâukìⁿ thianchú chìnchêng, tio̍h seng lâi chìnkiàn cháiⁿsiòng. | 君主 | Kunchú | 原冊掃描 |
| 728 | 無thang 天子萬年 | Bô thang thianchú bānnî | 天子無可能接續萬年久。 | Thianchú bô khólêng chiapsio̍k bānnî kú. | 君主 | Kunchú | 原冊掃描 |
| 729 | 皇帝 尿壺 | Hôngtè jiōô͘ | 皇帝ê尿壺。意思是講「kokpih=滑稽/ku̍tkhe」，因為尿壺mā叫做「尿鱉/jiōpih」，皇帝ê尿壺to̍h是「國鱉/kokpih」，這kah「kokpih」仝音。 | Hôngtè ê jiōô͘. Ìsù sī kóng"kokpih= ku̍tkhe /ku̍tkhe", inūi jiōô͘ mā kiòchò "jiōpih", hôngtè ê jiō ô͘ to̍h sī “kokpih/kokpih", che kah "kokpih" kâng im. | 君主 | Kunchú | 原冊掃描 |
| 730 | 也 tio̍h 箠 也 tio̍h 糜 | Iā tio̍h chhê iā tio̍h bê | 有時 tio̍h 用箠教訓，有時也tio̍h 用糜疼惜。意思是講寬嚴保持適當。 | Ūsî tio̍h ēng chhê kàuhùn, ūsî iā tio̍h ēng moâi thiàⁿsioh. Ìsù sī kóng khoan giâm póchhî sektòng. | 官 | Koan | 原冊掃描 |
| 731 | 鹽館老爹 | Iâm koán lótia | 鹽館ê老爹。指吝嗇，取鹽 ê 鹹味 kah 吝嗇 ê 鹹仝音 | Iâm koán ê lótia. Chí līnsek, chhú iâm ê kiâmbī kah līnsek ê kiâm kâng im. | 官 | Koan | 原冊掃描 |
| 732 | 一階半級 | It kai poàn kip | 指kē階級。(通俗篇) | Chí kē kaikip. ( Thongsio̍k phiⁿ ) | 官 | Koan | 原冊掃描 |
| 733 | 一世官 九世寃 | It sè koan kiú sè oan | 做一ê官，引起九代ê寃仇報應。 | Chò chi̍t ê koaⁿ, ínkhí káu tāi ê oansiû pòèng. | 官 | Koan | 原冊掃描 |
| 734 | 一世官 九世牛 三世寡婦 | It sè koan, kiú sè ngiû, sam sè kóaⁿhū. | 做一代ê官，變成九代ê牛kah三代ê寡婦。 | Chò chi̍t tāi ê koaⁿ, piànsêng káu tāi ê gû kah saⁿ tāi ê kóahū. | 官 | Koan | 原冊掃描 |
| 735 | 一世做惡官 三世絕 | It sè chò ok koan, sam sè choa̍t. | 做一代ê惡官，ē絕三代kiáⁿ孫。 | Chò chi̍t tāi ê ok koaⁿ, ē choa̍t saⁿ tāi kiáⁿsun. | 官 | Koan | 原冊掃描 |
| 736 | 爲官須作相 及第必爭元 | Ûi koan su chok siòng, ki̍ptē pit cheng goân. | 若beh做官，tio̍h做宰相：若beh參加科舉考試，一定ài爭取狀元（第一名）。 | Nā beh chò koaⁿ, tio̍h chò cháiⁿsiòng, nā beh chhamka khokí khóchhì, ittēng ài chengchhú chōng kho͘ （ tē it miâ ）. | 官 | Koan | 原冊掃描 |
| 737 | 能做官 就能察理 | Ē chòkoaⁿ, chiū ē chhatlí. | 若ētàng做官，to̍h ē曉明察道理。 | Nā ētàng chò koaⁿ, to̍h ē hiáu bêngchhat tōlí. | 官 | Koan | 原冊掃描 |
| 738 | 家無讀書子 官從何處來 | Ka bû tho̍ksu chú, koan chiông hô chhù lâi. | 厝裡若無讀冊人，官beh tùi tó位來？ | Chhùni̍h nā bô tha̍kchheh lâng, koaⁿ beh tùi tóūi lâi? | 官 | Koan | 原冊掃描 |
| 739 | 交官窮 交鬼死 交牛販仔食了米 | Kau koaⁿ kêng, kau kúi sí, kau gûhoàná chia̍h liáu bí. | 交陪官吏ē變sànchhiah，交陪鬼á ē死，交陪牛販á食了米。因為交陪官吏tio̍h開錢去o͘se，牛販á一般lóng真gâu食。 | Kaupôe koaⁿlī ē piàn sànchhiah, kaupôe kúi'á ē sí, kaupôe gû hoàn'á chia̍h liáu bí. Inūi kaupôe koaⁿlī tio̍h khai chîⁿ khì o͘se, gû hoàn'á itpoaⁿ lóng chin gâu chia̍h. | 官 | Koan | 原冊掃描 |
| 740 | 嚴官府 出厚賊 | Giâm koaⁿhú, chhut kāu chhat. | 嚴厲ê官府顛倒出khah chē賊á。 | Giâmlē ê koaⁿhú tiantò chhut khah chē chha̍t'á. | 官 | Koan | 原冊掃描 |
| 741 | 窮文 富武 | Kêng bûn pù bú | 文官khah sànchhiah，武官khah富裕。 | Bûnkoaⁿ khah sànchhiah, búkoaⁿ khah hùjū. | 官 | Koan | 原冊掃描 |
| 742 | 君看爲宰相 必用讀書人 | Kun khan ûi cháiⁿsiòng, pit iōng tho̍ksu jîn. | 君王看ah，一定tio̍h用讀冊人來做宰相。 | Kunông khòaⁿ ah, ittēng tio̍h ēng tha̍kchheh lâng lâi chò cháiⁿsiòng. | 官 | Koan | 原冊掃描 |
| 743 | 過關 送文憑 | Kòe koan sàng bûnpîn | 通過關所chiah送通行文件。Kah「祭拜了後chiah gia̍h燈」仝意思。 | Thongkòe koansó͘ chiah sàng thonghêng bûnkiāⁿ. Kah "chèpài liáuāu chiah gia̍h teng" kâng ìsù. | 官 | Koan | 原冊掃描 |
| 744 | 衙門八字開 有理無錢莫進來 | Gêmn̂g patjī khai, iúlí bû chiân bo̍k chìn lâi. | 衙門ná八字phah開，有理無錢mài入來。指beh來衙門tio̍h o͘se。 | Gêmn̂g ná patjī phahkhui, ū lí bô chîⁿ mài ji̍p lâi. Chí beh lâi gêmn̂g tio̍h o͘se. | 官 | Koan | 原冊掃描 |
| 745 | 衙門八字開 無錢不免來 | Gêmn̂g patjī khai, bôchîⁿ m̄bián lâi. | Kah「衙門八字開 有理無錢莫進來」仝意思。 | Kah "gêmn̂g patjī khui ū lí bô chîⁿ bo̍h chìn lâi" kâng ìsù. | 官 | Koan | 原冊掃描 |
| 746 | 官 可瞞 不可欺 | Koaⁿ khó môa, putkhó khi. | 官吏ēsái瞞騙，m̄koh bēsái欺詐。 | Koaⁿlī ēsái môaphiàn, m̄koh bēsái khichà. | 官 | Koan | 原冊掃描 |
| 747 | 官司好打 狗屎好食 | Koaⁿsi hó phah, káusái hóchia̍h. | 若是官司好phah，狗屎mā ē好食。意思是講若起訴訟to̍h ē陷落滅亡。 | Nāsī koaⁿsi hó phah, káu sái mā ē hóchia̍h. Ìsù sī kóng nā khí sò͘siōng to̍h ē hāmlo̍h bia̍tbông. | 官 | Koan | 原冊掃描 |
| 748 | 官斷 不如民願 | Koaⁿ toàn putjû bîngoān | 官吏ê決斷khah輸人民願意接受和解。 | Koaⁿlī ê koattoàn khah su jînbîn goān'ì chiapsiū hôkái. | 官 | Koan | 原冊掃描 |
| 749 | 官斷不能息 人願自能息 | Koaⁿtoàn putlêng soah, jîngoān chū lêng soah. | Kah「官斷 不如民願」仝意思。 | Kah" Koaⁿ toàn putjû bîngoān "kâng ìsù. | 官 | Koan | 原冊掃描 |
| 750 | 官斷沒能息 人愿自能息 | Koaⁿ toàn bbē ē soah, jîngoān chū ē soah. | Kah「官斷 不如民願」仝意思。 | Kah" Koaⁿ toàn putjû bîngoān "kâng ìsù. | 官 | Koan | 原冊掃描 |