| 編號 | 原文漢羅版 | 原文台灣字版 | 解說漢羅版 | 解說台灣字版 | 分類漢羅版 | 分類台灣字版 | 影像 | |
| 61 | 天生天化 | Thian seng thian hòa | 天創造萬物，mā造化萬物。陰符經記載：「天生天化，道之理也」；另外一本記做「天生天殺」。（通俗篇） | Thiⁿ chhòngchō bānmi̍h, mā chōhòa bānmi̍h. Imhû keng kìchài,"thian seng thian hòa, tō chi lí iā"; lēnggōa chi̍t pún kì chò "thian seng thian sat". （Tthongsio̍k phiⁿ） | 天地 | Thiⁿtē | 原冊掃描 |
| 62 | 天長地久 | Thian tióng tē kiú | 天久長，地mā永久無限。《老子》上篇有ánne記載；koh有高彪ê《清誡》詩寫講：「天長而地久，人生則不然」。（通俗篇） | Thiⁿ kútn̂g, tē mā éngkiú bûhān. "Lóchú" siōng phiⁿ ū ánne kìchài; koh ū Ko Piau ê “Chheng kài” si siá kóng, " Thian tióng jî tē kiú, jînseng chek putjiân". （Thongsio̍k phiⁿ） | 天地 | Thiⁿtē | 原冊掃描 |
| 63 | 天地無私 | Thiantē bû su | 天kah地lóng無私心。 | Thiⁿ kah tēlóng bôsusim. | 天地 | Thiⁿtē | 原冊掃描 |
| 64 | 天變一時間 | Thian piàn chi̍t sîkan | 天ê變化是瞬間。 | Thiⁿ ê piànhòa sī sùnkan. | 天地 | Thiⁿtē | 原冊掃描 |
| 65 | 天無絕人之路 | Thian bô choa̍t jîn chi lō͘ | 天bē斷絕人ê活路。 | Thiⁿ bē toānchoa̍t lâng ê oa̍hlō͘. | 天地 | Thiⁿtē | 原冊掃描 |
| 66 | 天無寒暑無時令，人不炎涼不世情 | Thian bô hânsú bô sîlēng, jîn put iāmliâng put sèchêng. | 天若無寒暑to̍h無時令，人若無炎涼to̍h無世情。 | Thiⁿ nā bô hânsú to̍h bô sîlēng, lâng nā bô iāmliâng to̍h bô sèchêng. | 天地 | Thiⁿtē | 原冊掃描 |
| 67 | 天不生無祿之人 | Thian put seng bô lo̍k chi jîn | 天bē生無俸祿ê人。天賞賜人各種無仝ê恩賜。 | Thiⁿ bē seⁿ bô hōnglo̍k ê lâng. Thiⁿ siúⁿsù lâng kok chióng bô kâng ê insù. | 天地 | Thiⁿtē | 原冊掃描 |
| 68 | 天不知道 | Thian put chitâu | 天m̄知。 | Thiⁿ m̄ chai. | 天地 | Thiⁿtē | 原冊掃描 |
| 69 | 天不從人願 | Thian put chiông jîn goān | 天bē順從人ê意願。 | Thiⁿ bē sūnchiông lâng ê ìgoān. | 天地 | Thiⁿtē | 原冊掃描 |
| 70 | 天不奪人願 | Thian put toa̍t jîn goān | 天bē奪取人ê意願。天bē廢無人ê意願；晉樂府ê《子夜歌》有記載：「天不奪人願，故使儂見郎」。（通俗篇） | Thiⁿ bē toa̍tchhú lâng ê ìgoān. Thiⁿ bē hòebô lâng ê ìgoān; Chìn ga̍khú ê “chúiā koa" ū kìchài, "thiⁿ put toa̍t lâng goān, kò͘ sú lâng kìⁿ lông". （Thongsio̍k phiⁿ） | 天地 | Thiⁿtē | 原冊掃描 |
| 71 | 天翻地覆 | Thianhoan-tēhok | 天翻地覆。譬喻大騷動、大變亂；《朱子中庸或問》」有記載：「三辰失行則必天翻地覆」。 | Thian hoan tē hok. Phìjū tōa sotōng, tōa piàn loān; "Chuchú Tiongiong he̍kbūn" ū kìchài: "saⁿ sîn sit hêng chek pit thian hoan tē hok". | 天地 | Thiⁿtē | 原冊掃描 |
| 72 | 天網 恢恢 | Thianbóng-khoekhoe | 天ná親像大網。大自然ê法則kahná大網，hō͘ 你bē走閃tit。 | Thiⁿ ná chhinchhiūⁿ tōa bāng. Tōachūjiân ê hoatchek kah ná tōa bāng, hō͘ lí bē cháusiám tit. | 天地 | Thiⁿtē | 原冊掃描 |
| 73 | 天理昭昭 地理何在 | Thianlí chiauchiau, tēlí hôchāi | 天ê理真明，地ê理m̄知tī tó位。天ē主持公道，善惡報應分明，地理師看無好地理ê所在；是teh講tio̍h破除民間迷信。 | Thiⁿ ê lí chin bêng, tē ê lí m̄ chai tī tóūi. Thiⁿ ē chúchhî kongtō, siānok pòèng hunbêng, tēlí sai khòaⁿ bô hó tēlí ê só͘chāi; sī teh kóng tio̍h phòatû bînkan bêsìn. | 天地 | Thiⁿtē | 原冊掃描 |
| 74 | 青天 白日 | Chhengthian pe̍kji̍t | 日時頭青天白日。 | Ji̍tsîthâu chhengthian pe̍kji̍t. | 天地 | Thiⁿtē | 原冊掃描 |
| 75 | 青天白日 搶關帝廟 | Chhengthian pe̍kji̍t chhiúⁿ Koantè biō | Tī青天白日 beh搶奪關帝廟。指公然做pháiⁿ tāichì，或是大tāichì無法度處理。 | Tī chhengthian pe̍kji̍t beh chhiúⁿtoa̍t Koantè biō. Chí kongjiân chò pháiⁿ tāichì, he̍ksī tōa tāichì bô hoattō͘ chhúlí. | 天地 | Thiⁿtē | 原冊掃描 |
| 76 | 靜裡乾坤大 閑中日月長 | Chēng lí khiânkhun tōa, hân tiong ji̍tgoe̍h tiông | Tī寂靜裡天地大，tī閑散中歲月長。 | Tī che̍kchēng ni̍h thiⁿtē tōa, tī hânsàn tiong sòegoa̍t tn̂g. | 天地 | Thiⁿtē | 原冊掃描 |
| 77 | 執管窺天 | Chip koán kui thian | The̍h管來看天。Tùi針孔看天。 | The̍h kóng lâi khòaⁿ thiⁿ. Tùi chiam khang khòaⁿ thiⁿ. | 天地 | Thiⁿtē | 原冊掃描 |
| 78 | 拜謝 天地 | Pàisiā thiⁿtē | Kā天地拜謝。歡喜ê時tio̍h ánne做。 | Kā thiⁿtē pàisiā. Hoaⁿhí ê sî tio̍h ánne chò. | 天地 | Thiⁿtē | 原冊掃描 |
| 79 | 白日昇天 | Pe̍k ji̍t seng thian | Iáu日時頭to̍h昇天。指立身出世真早。 | Iáu ji̍tsîthâu to̍h seng thian. Chí li̍psin chhutsì chin chá. | 天地 | Thiⁿtē | 原冊掃描 |
| 80 | 憑天候時 | Pîn thian hāu sî | 憑靠天賜，等候時勢。 | Pînkhò thiansù, tánhāu sîsè. | 天地 | Thiⁿtē | 原冊掃描 |
| 81 | 祈天祈地 | Hē thiⁿ hē tē | 向天地下願。 | Hiòng thiⁿtē hē goān. | 天地 | Thiⁿtē | 原冊掃描 |
| 82 | 花天月地 | Hoa thian goa̍t tē | 指柳巷花街。 | Chí liú hāng hoe ke. | 天地 | Thiⁿtē | 原冊掃描 |
| 83 | 翻天覆地 | Hoanthian-hoktē | 天péng過，地陷落。指大騷動、大擾亂。 | Thiⁿ péngkòe, tē hāmlo̍h. Chí tōa sotōng, tōa jiáuloān. | 天地 | Thiⁿtē | 原冊掃描 |
| 84 | 迴天之力 | Hôethian chi la̍t | 迴天ê力。唐書張元素傳，tī上書罷洛陽宮殿等役有記載：魏徵嘆曰「張公論事有迴天之力。」（通俗篇） | Hôethian ê la̍t. Tông suTiuⁿ Goânsò͘ toān, tī siōng su pā Lo̍kiông kiongtiān téng e̍k ū kìchài: Gūi Teng thàn oa̍t Ttiuⁿ kong lūn sū ū hôethian chi la̍t.（Thongsio̍k phiⁿ） | 天地 | Thiⁿtē | 原冊掃描 |
| 85 | 使我罩不見天 | Hō͘ góa tà put kiàn thian | Hō͘ 我看bē tio̍h天。Tī好天時ē tàng做ê tāichì mā無法度做，to̍h是真見笑ê tāichì。 | Hō͘ góa khòaⁿ bē tio̍h thiⁿ. Tī hóthiⁿ sî ē tàng chò ê tāichì mā bô hoattō͘ chò, to̍h sī chin kiànsiàu ê tāichì. | 天地 | Thiⁿtē | 原冊掃描 |
| 86 | 破天荒 | Phòthianhong | 前到taⁿ m̄ bat有ê tāichì。 | Chêng kàu taⁿ m̄ bat ū ê tāichì. | 天地 | Thiⁿtē | 原冊掃描 |
| 87 | 不知天地幾斤重 | M̄ chai thiⁿtē kúi kin tāng | M̄知天地有幾斤重。指完全愚戇無知，特別是用來罵gín’á。 | M̄ chai thiⁿtē ū kúi kin tāng. Chí oânchoân gûgōng bûti, te̍kpia̍t sī ēng lâi mē gín’á. | 天地 | Thiⁿtē | 原冊掃描 |
| 88 | 漏洩天機 | Lāusiat thianki | Kā天機洩漏出去。 | Kā thianki siaplāu chhut khì. | 天地 | Thiⁿtē | 原冊掃描 |
| 89 | 落水叫三界上天叫無tāi | Lo̍h chúi kiò samkài, chiūⁿ thiⁿ kiò bô tāi | 落水ê時求叫三界公，上天了後to̍h無tāichì。指tāichì做bē成功to̍h拜託神明。 | Lo̍h chúi ê sî kiûkiò Samkài kong, chiūⁿ thiⁿ liáuāu to̍h bô tāichì. Chí tāichì chò bē sêngkong to̍h pàithok sînbêng. | 天地 | Thiⁿtē | 原冊掃描 |
| 90 | 草地聖旨 | Chháutē sèngchí | 田庄ê聖旨。指無影跡ê指令。 | Chhânchng ê sèngchí. Chí bô iáⁿjiah ê chílēng. | 天地 | Thiⁿtē | 原冊掃描 |