| 編號 | 原文漢羅版 | 原文台灣字版 | 解說漢羅版 | 解說台灣字版 | 分類漢羅版 | 分類台灣字版 | 影像 | |
| 271 | 觀山 玩水 | Koan san goán súi | 遊覽山水。指風騷行事。 | Iûlám soaⁿ chúi. Chí hongso hêngsū. | 山岳河海 | SoaⁿGa̍k Hô Hái | 原冊掃描 |
| 272 | 三江水 洗沒清 | Saⁿ kang chúi sé bē chheng | 三條溪水to洗bē清氣。指做過pháiⁿ tāichì beh洗清pháiⁿ名聲真困難。 | Saⁿ tiâu khechúi to sé bē chhengkhì. Chí chòkòe pháiⁿ tāichì beh sé chheng pháiⁿ miâsiaⁿ chin khùnlān. | 山岳河海 | SoaⁿGa̍k Hô Hái | 原冊掃描 |
| 273 | 山高水深 地瘦人貧 | San ko súi chhim, tē só͘ jîn pîn. | 山koân水koh深，土地無肥人人koh sànchhiah。（淘淵明之言） | Soaⁿ koân chúi koh chhim, thó͘tē bô pûi lânglâng koh sànchhiah. （ Tô Ianbêng chi giân ） | 山岳河海 | SoaⁿGa̍k Hô Hái | 原冊掃描 |
| 274 | 山高不必有神 大販不必有錢 | San ko putpit iú sîn, tāi hoàn putpit iú chiân. | .山koân無一定有神存在，大senglí人無一定ài有錢。 | Soaⁿ koân bô ittēng ū sîn chûnchāi, tōa senglí lâng bô ittēng ài ū chîⁿ. | 山岳河海 | SoaⁿGa̍k Hô Hái | 原冊掃描 |
| 275 | 山高 皇帝遠 | San ko hôngtè oán | 山koân koh皇帝離遠遠管我bē tio̍h。指遠離世俗to̍h無有束縛。 | Soaⁿ koân koh hôngtè lī hn̄ghn̄g koán góa bē tio̍h. Chí oánlî sèsio̍k to̍h bô ū sokpa̍k. | 山岳河海 | SoaⁿGa̍k Hô Hái | 原冊掃描 |
| 276 | 山中也有千年樹 世上難逢百歲人 | San tiong iā iú chhian liân sū, sè siōng lân hông peksòe jîn. | 山內也有千年ê樹， 世上卻oh tú tio̍h百歲ê人。 | Soaⁿ lāi iā ū chheng nî ê chhiū, sèchiūⁿ khiok oh tú tio̍h pah hòe ê lâng. | 山岳河海 | SoaⁿGa̍k Hô Hái | 原冊掃描 |
| 277 | 山中有直𣗬 世上無直人 | San tiong iú ti̍t hiù, sè siōng bû ti̍t jîn. | 山裡有真直ê𣗬樹，世間卻無正直ê人。 | Soaⁿ ni̍h ū chin ti̍t ê hiù chhiū , sèchiūⁿ khiok bô chèngti̍t ê lâng. | 山岳河海 | SoaⁿGa̍k Hô Hái | 原冊掃描 |
| 278 | 山崩 見太平 | San peng kiàn thàipêng | 山崩落來，看tio̍h太平世界。指山崩雖然是不祥ê兆頭，soah變成喜事ê緣起。 | Soaⁿ pang lo̍hlâi, khòaⁿ tio̍h thàipêng sèkài. Chí soaⁿ pang suijiân sī putsiâng ê tiāuthâu, soah piànsêng hí sū ê iânkhí. | 山岳河海 | SoaⁿGa̍k Hô Hái | 原冊掃描 |
| 279 | 山鳴 谷應 | San bêng kok èng | 山出聲,谷應聲。指大騷擾ê勢面。 | Soaⁿ chhut siaⁿ, kok ìn siaⁿ. Chí tōa sojiáu ê sèbīn. | 山岳河海 | SoaⁿGa̍k Hô Hái | 原冊掃描 |
| 280 | 三山 六海 一分田 | Sam san lio̍k hái it hūn tiân | 指世界三成是山，六成是海，一成是田。 | Chí sèkài saⁿ chiâⁿ sī soaⁿ, la̍k chiâⁿ sī hái, chi̍t siâⁿ sī chhân. | 山岳河海 | SoaⁿGa̍k Hô Hái | 原冊掃描 |
| 281 | 山窮 海竭 | Soaⁿ kêng hái kiat | 山無出產變少，海水mā ta去。指pháiⁿ景氣ê情景。 | Soaⁿ bô chhutsán piàn chió, háichúi mā ta khì. Chí pháiⁿ kéngkhì ê chêngkéng. | 山岳河海 | SoaⁿGa̍k Hô Hái | 原冊掃描 |
| 282 | 山高 水牛大 | Soaⁿ koân chúigû tōa | Koân kah ná山, 大kah ná 水牛。指講話phòng風。 | Koân kah ná soaⁿ, tōa kah ná chúigû. Chí kóngōe phònghong. | 山岳河海 | SoaⁿGa̍k Hô Hái | 原冊掃描 |
| 283 | 山頭響 見人靜 | Soaⁿthâu hiáng, kìⁿ lâng chēng. | 山頭有teh響，卻看tio̍h人ná森林靜靜。 | Soaⁿthâu ū teh hiáng, khiok khòaⁿ tio̍h lâng ná somlîm chēngchēng. | 山岳河海 | SoaⁿGa̍k Hô Hái | 原冊掃描 |
| 284 | 山頂無好叫 山下無好應 | Soaⁿténg bô hó kiò, soaⁿē bô hó ìn. | Tī山頂若無好好á叫， 山kha to̍h bē有好ê回應。指父母等序大若無好好á對待kiáⁿ兒，kiáⁿ兒to̍h ē反抗。 | Tī soaⁿténg nā bô hóhó’á kiò, soaⁿ kha to̍hbē ū hó ê hôeèng. Chí pēbú tán sītōa nā bô hóhó’á tùithāi kiáⁿjî, kiáⁿjî to̍h ē hoánkhòng. | 山岳河海 | SoaⁿGa̍k Hô Hái | 原冊掃描 |
| 285 | 山崩 地裂 | Soaⁿ pang tē li̍h | 山崩落來，土地裂開。指大變動。 | Soaⁿ pang lo̍h lâi, thó͘tē li̍h khui. Chí tōa piàntōng. | 山岳河海 | SoaⁿGa̍k Hô Hái | 原冊掃描 |
| 286 | 桑田 為海 | Songtiân ûi hái | 桑田變成海洋。指世事變化劇烈。 | Songtiân piànsêng háiiûⁿ. Chí sèsū piànhòa ke̍klia̍t. | 山岳河海 | SoaⁿGa̍k Hô Hái | 原冊掃描 |
| 287 | 滄海 桑田 | Chhonghái songtiân | 滄海變成桑田。 | Chhonghái piànsêng songtiân. | 山岳河海 | SoaⁿGa̍k Hô Hái | 原冊掃描 |
| 288 | 滄海 變桑田 | Chhonghái piàn songtiân | 滄海變成桑田。指山河改變(通俗篇)。 | Chhonghái piànsêng songtiân. Chí sanhô káipiàn ( Thongsio̍k phiⁿ ). | 山岳河海 | SoaⁿGa̍k Hô Hái | 原冊掃描 |
| 289 | 大海 不擇細流 | Tāihái put te̍k sè liû | 大海無選擇細條溪流。 | Tōahái bô soánte̍k sè tiâu khelâu. | 山岳河海 | SoaⁿGa̍k Hô Hái | 原冊掃描 |
| 290 | 推大山 來壓我 | Chhia tāi san lâi teh góa | 推sak大山來teh我。指非常威脅ê壓力。 | Chhuisak tōasoaⁿ lâi teh góa. Chí huisiông uihia̍p ê aple̍k. | 山岳河海 | SoaⁿGa̍k Hô Hái | 原冊掃描 |
| 291 | 上山亦一日 落海亦一日 | Chiūⁿ soaⁿ iā chi̍tji̍t, lo̍h hái iā chi̍tji̍t. | 行陸地去也tio̍h一工，行海路去也tio̍h一工。指約束做伙旅遊，勸有人半工to̍h beh tńg去厝裡ê人講「tńg去厝裡半工mā做無tāichì」。 | Kiâⁿ lio̍ktē khì iā tio̍h chi̍t kang, kiâⁿ háilō͘ khì iā tio̍h chi̍t kang. Chí ioksok chòhóe lúiû, khǹg ū lâng pòaⁿ kang to̍h beh tńgkhì chhù ni̍h ê lâng kóng "tńgkhì chhù ni̍h pòaⁿ kang mā chò bô tāichì". | 山岳河海 | SoaⁿGa̍k Hô Hái | 原冊掃描 |
| 292 | 上山看山勢 入門看人意 | Chiūⁿ soaⁿ khòaⁿ soaⁿ sì, ji̍pmn̂g khòaⁿ lâng ì. | Chiūⁿ山tio̍h看山勢，入門tio̍h看人ê心意。 | Chiūⁿ soaⁿ tio̍h khòaⁿ soaⁿ sè, ji̍pmn̂g tio̍h khòaⁿ lâng ê sim’ì. | 山岳河海 | SoaⁿGa̍k Hô Hái | 原冊掃描 |
| 293 | 千山萬水 | Chhian san bān súi | 真chē山koh真chē水。指路途遙遠。 | Chin chē soaⁿ koh chin chē chúi. Chí lō͘tô͘ iâuoán. | 山岳河海 | SoaⁿGa̍k Hô Hái | 原冊掃描 |
| 294 | 前嶺未是崎 後嶺較崎壁 | Chêng niá bē sī kiā, āu niá khah kiā piah. | 前嶺iáu未是崎，後嶺koh khah崎。意思是講無有樹尾ē贏過樹幹。 | Chêng niá iáubōe sī kiā, āu niá koh khah kiā. Ìsù sī kóng bô ū chhiū bóe ē iâⁿkòe chhiūkàn. | 山岳河海 | SoaⁿGa̍k Hô Hái | 原冊掃描 |
| 295 | 長江後浪催前浪 世上新人chan舊人 | Tiôngkang hō͘ lōng chhui chiân lōng, sèsiōng sin jîn chan kiū jîn. | 長江ê後湧催sak前湧，世上新人jiok過舊人。指世間tiāⁿtiāⁿ ē有新陳代謝。 | Tn̂g Kang āu éng chhui sak chêng éng, sèchiūⁿ sin lâng jiok kòe kū lâng. Chí sèkan tiāⁿtiāⁿ ē ū sintîntāisiā. | 山岳河海 | SoaⁿGa̍k Hô Hái | 原冊掃描 |
| 296 | 深徑 不宜獨行 | Chhim kèng putgî to̍khêng | 深山路徑，m̄ thang獨行。 | Chhim soaⁿ lō͘kèng, m̄ thang to̍khêng. | 山岳河海 | SoaⁿGa̍k Hô Hái | 原冊掃描 |
| 297 | 深山畢竟藏猛虎 大海終歸納細流 | Chhim san pit kéng chông béng hó͘, tāihái chiong kuila̍p sè liû. | 深山畢竟有藏猛虎，大海終其尾ē接納細條溪流。 | Chhim soaⁿ pitkèng ū chhàng béng hó͘, tōa hái chiongkîbóe ē chiapla̍p sè tiâu khelâu. | 山岳河海 | SoaⁿGa̍k Hô Hái | 原冊掃描 |
| 298 | 大港 無人顧 | Tōa káng bô lâng kò͘ | 大河無人teh顧。意思是講趕緊投河死死leh！ | Tōahô bô lâng teh kò͘. Ìsù sī kóng kóaⁿkín tâu hô sísí leh! | 山岳河海 | SoaⁿGa̍k Hô Hái | 原冊掃描 |
| 299 | 大海 不驚大水 | Tōahái m̄ kiaⁿ tōachúi | 大海無teh驚大水。 | Tōahái bô teh kiaⁿ tōachúi. | 山岳河海 | SoaⁿGa̍k Hô Hái | 原冊掃描 |
| 300 | 海枯終見底 人死不知心 | Hái ko͘ chiong kiàn tí, jîn sú put ti sim. | 海水ta去終其尾看ē tio̍h底，人死了後mā iáu m̄知心。早前麻仙姑tú過兩pái桑田變做滄海，所以講「海枯終見底」；錢堅800歲死，伊kah 49个bó͘ 生54个kiáⁿ，iáu不知足teh求天hō͘伊koh再少年，所以講「人死不知心」。伊死tī商朝ê大彭城，所以稱伊「彭祖」（昔賢註） | Háichúi ta khì chiongkîbóe khòaⁿ ē tio̍h té, lâng sí liáuāu mā iáu m̄ chai sim. Cháchêng Môa sianko͘ tú kòe nn̄g pái songtiân piànchò chhonghái, só͘í kóng "hái ko͘ chiong kiàn té"; Chiⁿ Kian 800 hòe sí, i kah 49ê bó͘ seⁿ 54ê kiáⁿ, iáu put tichiok teh kiû thiⁿ hō͘ i koh chài siàuliân, só͘í kóng "lâng sí putti sim". I sí tī Siong Tiâu ê TōaPhêⁿ siâⁿ, só͘í chheng i "Phêⁿ Chó͘"（sekhiân chù） | 山岳河海 | SoaⁿGa̍k Hô Hái | 原冊掃描 |