| 編號 | 原文漢羅版 | 原文台灣字版 | 解說漢羅版 | 解說台灣字版 | 分類漢羅版 | 分類台灣字版 | 影像 | |
| 1861 | 能遮着頭 bē遮着尾 | Ē chia to̍h thâu, bē chia to̍h bóe | Ētàng遮tio̍h頭殼卻無法度遮tio̍h尾溜。掩khàm chit頭，soah顯露hit頭。 | Ētàng cha̍h tio̍h thâukhak khiok bô hoattō͘ cha̍h tio̍h bóeliu. Amkhàm chit thâu, soah hiánlō͘ hit thâu. | 頭 | Thiô | 原冊掃描 |
| 1862 | 烏毛 khiā到白毛 | O͘mn̂g khiā kàu pe̍hmn̂g | 年輕烏頭毛ê時to̍h tòa hia，一直tòa到年老白頭毛。 | Nîkhin o͘ thâumn̂g ê sî to̍h tòa hia, itti̍t tòa kàu nîlāu pe̍h thâumo͘. | 頭 | Thiô | 原冊掃描 |
| 1863 | 烏毛 溜到白毛 | O͘mn̂g liù kàu pe̍hmn̂g | 年輕烏頭毛ê時to̍h 去四界thàn食，一直到年老白頭毛。 | Nîkhin o͘ thâumn̂g ê sî to̍h khì sìkè thànchia̍h, itti̍t kàu nîlāu pe̍h thâumo͘. | 頭 | Thiô | 原冊掃描 |
| 1864 | 九月起九降 臭頭仔爬與掐 | Káu Goe̍h khí káukàng, chhàuthâu’á pê kah khàng. | 到農曆九月，秋天乾爽ê九降風（東北季風）吹起，頭皮乾燥起癢ê人，to̍h ē忍bē tiâu一直抓頭殼。 | Kàu Lôngle̍k Káu Goe̍h, chhiuthiⁿ tasóng ê káukàng hong（tangpak kùihong） chhoe khí, thâuphôe tasò khí chiūⁿ ê lâng, to̍h ē jím bē tiâu itti̍t jiàu thâukhak. | 頭 | Thiô | 原冊掃描 |
| 1865 | 交頭 接耳 | Kauthâu-chiapní | 兩个人kā頭交接做伙，嘴靠近耳á，細聲交談，通常是teh講私底下ê話。 | Nn̄gê lâng kā thâu kauchiap chòhóe, chhùi khòkīn hīⁿ’á, sèsiaⁿ kautâm, thongsiông sī teh kóng sutéhā ê ōe. | 頭 | Thiô | 原冊掃描 |
| 1866 | khàm頭 khàm面 | Khàmthâu-khàmbīn | Kā頭kah面lóng khàm起來。比喻戇頭戇腦，m̄知死活ê人。 | Kā thâu kah bīn lóng khàm khí lâi. Píjū gōng thâu gōng náu, m̄chai síoa̍h ê lâng. | 頭 | Thiô | 原冊掃描 |
| 1867 | 舉頭 舉耳 | Giâ thâu giâ hīⁿ | Kā頭gia̍h起來，koh kā耳á khiā起。指心肝hònghòng無teh專心。 | Kā thâu gia̍h khí lâi, koh kā hīⁿ’á khiā khí. Chí simkoaⁿ hònghòng bô teh choansim. | 頭 | Thiô | 原冊掃描 |
| 1868 | 搖頭 鏇脰 | Ngiú thâu chūn tāu | 講tio̍h chabó͘人等ê tāichì，to̍h頭殼搖來搖去。形容掠準kakī是tio̍h，á是kakī thiòng sńg ê人。 | Kóng tio̍h chabó͘lâng téng ê tāichì, to̍h thâukhak iô lâi iô khì. Hêngiông lia̍hchún kakī sī tio̍h, á sī kakī thiòng sńg ê lâng. | 頭 | Thiô | 原冊掃描 |
| 1869 | 改頭 換面 | Kóethâu ōaⁿbīn | 比喻形式上改變，m̄koh實質內容無變，有帶貶義；á是比喻一个人徹底悔改，重新做人，有積極ê意義。 | Píjū hêngseksiōng káipiàn, m̄koh si̍tchit lōeiông bô piàn, ū tòa pián gī; á sī píjū chi̍tê lâng thiatté hóekái, tiôngsin chòlâng, ū chekke̍k ê ìgī. | 頭 | Thiô | 原冊掃描 |
| 1870 | 講頭 知尾 | Kóng thâu chai bóe | 形容人真聰明koh反應緊，只要聽tio̍h一點點á起，to̍h ētàng完全了解tāichì ê來龍去脈，也to̍h是講tio̍h前因to̍h知影後果。 | Hêngiông lâng chin chhongbêng koh hoánèng kín, chíiàu thiaⁿ tio̍h chi̍t tiámtiám’á khí, to̍h ētàng oânchoân liáukái tāichì ê lâi liông khì me̍h, iā to̍h sī kóng tio̍h chêng in to̍h chaiiáⁿ hiōkó. | 頭 | Thiô | 原冊掃描 |
| 1871 | 公道無私惟白髮 貴人頭上不曾饒 | Kongtō bû su î pe̍k hoat, kùijîn thiô siōng put chêng jiâu. | 世間siōng公平ê tāichì，只有白頭毛；無分貧富貴賤，人人皆有。連顯貴ê人ê頭毛mā ē變白，絕對無饒恕。 | Sèkan siōng kongpêⁿ ê tāichì, chíū pe̍h thâumo͘; bô hun pînhù kùichiān, lânglâng kai ū. Liân hián kùi ê lâng ê thâumn̂g mā ē piànpe̍h, choa̍ttùi bô jiâusù. | 頭 | Thiô | 原冊掃描 |
| 1872 | 使燕尾看 | Sái ìⁿbé khòaⁿ | Hō͘後壁ê人看尻川尾來表示拒絕。指chabó͘人表示無kah意to̍h ē hō͘ 人看她ê尻川。 | Hō͘ āupiah ê lâng khòaⁿ khachhng bóe lâi piáusī kīchoa̍t. Chí chabó͘lâng piáusī bô kah'ì to̍h ē hō͘ lâng khòaⁿ i ê khachhng. | 頭 | Thiô | 原冊掃描 |
| 1873 | 臭頭 假博道 | Chhàuthâu kè phòtāu | 頭殼無毛假講是ta̍k項lóng知。嘲笑捏造理由ê人。 | Thâukhak bô mn̂g ké kóng sī ta̍k hāng lóng chai. Sauchhiò liapchō líiû ê lâng. | 頭 | Thiô | 原冊掃描 |
| 1874 | 臭頭 多藥 | Chhàuthâu chē io̍h | 頭殼生癬ê臭頭有真chē治療ê藥方。 | Thâukhak seⁿ sián ê chhàuthâu ū chin chē tīliâu ê io̍hhng. | 頭 | Thiô | 原冊掃描 |
| 1875 | 十個臭頭 九個博道 | Cha̍pê chhàuthâu, káuê phòtāu. | 十个臭頭中間有九个是ài捏造理由ê kài仙。 | Cha̍pê chhàuthâu tiongkan ū káuê sī ài liapchō líiû ê kàisian. | 頭 | Thiô | 原冊掃描 |
| 1876 | 人見白頭嗔 我見白頭喜 | Jîn kiàn pe̍k thiô chin, ngó͘ kiàn pe̍k thiô hí. | 別人看tio̍h kakī生白頭毛to̍h受氣，我見tio̍h kakī生白頭毛卻真歡喜，因為我長歲壽。 | Pa̍tlâng khòaⁿ tio̍h kakī seⁿ pe̍h thâumo͘ to̍h siūkhì, góa kìⁿ tio̍h kakī seⁿ pe̍h thâumo͘ khiok chin hoaⁿhí, inūi góa tn̂g hòesiū. | 頭 | Thiô | 原冊掃描 |
| 1877 | 做頭 沒得合眾人意 | Chò thâu bē tit ha̍p chènglâng ì | Beh做頭人卻無合眾人ê意。 | Beh chò thâulâng khiok bô ha̍h chènglâng ê ì. | 頭 | Thiô | 原冊掃描 |
| 1878 | 頭殼戴天 腳踏地 | Thâukhak tì thiⁿ, kha ta̍h tē. | 做人tio̍h腳踏實地，認真做tāichì，m̄thang掠準kakī真偉大á是無實際。 | Chòlâng tio̍h khata̍h si̍ttē, jīnchin chò tāichì, m̄thang lia̍hchún kakī chin úitāi á sī bô si̍tchè. | 頭 | Thiô | 原冊掃描 |
| 1879 | 頭殼 戴烘爐 | Thâukhak tì honglô͘ | 人ê日子pháiⁿ過，ná親像頭殼頂有烘爐，mo͘h teh 燒，真艱苦。 | Lâng ê ji̍tchí pháiⁿ kòe, ná chhinchhiūⁿ thâukhak téng ū hanglô͘, mo͘h teh sio, chin kankhó͘. | 頭 | Thiô | 原冊掃描 |
| 1880 | 頭尖 嘴唇薄 | Thâu chiam chhùitûn po̍h | 台灣傳統相命，指頭型扁尖koh嘴唇khah薄ê人，是精明能幹、口才好、反應緊，m̄koh有一點á現實，無夠人情味。 | Tâioân thoânthóng siòngmiā, chí thâu hêng píⁿchiam koh chhùitûn khah po̍h ê lâng, sī chengbêng lêngkàn, kháuchâi hó, hoánèng kín, m̄koh ū chi̍t tiám'á hiānsi̍t, bô kàu jînchêngbī. | 頭 | Thiô | 原冊掃描 |
| 1881 | 頭着 尾是 | Thâu tio̍h bóe sī | 頭尾lóng tio̍h。 | Thâubóe lóng tio̍h. | 頭 | Thiô | 原冊掃描 |
| 1882 | 頭毛 臭雞酒味 | Thâumn̂g chhàu koechiú bī | 做月內chabó͘人ê頭毛iáu有雞酒味。罵gín’á作孽無禮貌。 | Chò goe̍hlāi chabó͘lâng ê thâumn̂g iáu ū ke chiúbī. Mē gín’á chokgia̍t bô lémāu. | 頭 | Thiô | 原冊掃描 |
| 1883 | 頭毛 雙樣色 | Thâumn̂g siang iūⁿ sek | 頭毛有兩種色。指tāichì變成兩種，á是老人gín’á性。 | Thâumn̂g ū nn̄g chióng sek. Chí tāichì piànsêng nn̄g chióng, á sī lāulâng gín’á sèng. | 頭 | Thiô | 原冊掃描 |
| 1884 | 頭毛 嘴鬚白 | Thâumn̂g chhùichhiu pe̍h | 頭毛kah嘴鬚lóng變白。指人已經真老。 | Thâumn̂g kah chhùichhiu lóng piàn pe̍h. Chí lâng íkeng chin lāu. | 頭 | Thiô | 原冊掃描 |
| 1885 | Tàm頭 看古井 | Tàmthâu khòaⁿ kó͘chíⁿ | Tàm頭 teh看古井。指非常危險。 | Tàm thâu teh khòaⁿ kó͘chéⁿ. Chí huisiông gûihiám. | 頭 | Thiô | 原冊掃描 |
| 1886 | 出頭 損角 | Chhut thâu sńg kak | 人若siuⁿ過ài出風頭，to̍h容易惹麻煩，致使ē有損失。 | Lâng nā siuⁿkòe ài chhut hongthâu, to̍h iông’ī jiá mâhoân, tìsú ē ū súnsit. | 頭 | Thiô | 原冊掃描 |
| 1887 | 大頭 傷重帽仔 | Tōathâu siongtiōng bō’á | 做大頭ê帽á真傷重材料。 | Chò tōathâu ê bō'á chin siongtiōng châiliāu. | 頭 | Thiô | 原冊掃描 |
| 1888 | 腦頭 鏇頷 | Náuthâu chūnām | 講tio̍h chabó͘人tāichì ê時，to̍h搖頭koh se̍h頷頸。 | Kóng tio̍h chabó͘lâng tāichì ê sî, to̍h iô thâu koh se̍h āmkún. | 頭 | Thiô | 原冊掃描 |
| 1889 | 打頭 就知轉尾 | Phahthâu chiū chai tńg bóe | 這是台灣客家ê諺語。只要講出起頭á是舉例，to̍h ētàng推想後頭ê發展結果。形容人聰明，反應緊，舉一反三。 | Che sī Tâioân Ha̍kkâ ê gāngí. Chíiàu kóng chhut khíthâu á sī kílē, to̍h ētàng thuisióng āuthâu ê hoattián kiatkó. Hêngiông lâng chhongbêng, hoánèng kín, kí it hoán sam. | 頭 | Thiô | 原冊掃描 |
| 1890 | 歹剃頭 | Pháiⁿ thìthâu | Pháiⁿ紡，pháiⁿ應付，困難處理。 | Pháiⁿ pháng, pháiⁿ ènghù, khùnlân chhúlí. | 頭 | Thiô | 原冊掃描 |