| 編號 | 原文漢羅版 | 原文台灣字版 | 解說漢羅版 | 解說台灣字版 | 分類漢羅版 | 分類台灣字版 | 影像 | |
| 181 | 月á光tangtang，賊á偷uih孔 | Goe̍h’á kngtangtang, chha̍t’á thau uih khang. | Kah 前條仝。 | Kah chêng tiâu kâng. | 日月星辰 | Ji̍tgoa̍t Chheⁿsîn | 原冊掃描 |
| 182 | 月圍箍khip雨沃，月戴笠khip日曝 | Goe̍h ûi kho͘ khip hō͘ ak, goe̍h tì le̍h khip ji̍tpha̍k. | 月圓圓to̍h ē有雨，月若罩雲kahná戴笠á to̍h ē出日好天。 | Goe̍h îⁿîⁿ to̍h ēū hō͘, goe̍h nā tà hûn kahná tì le̍h'á to̍h ē chhut ji̍t hóthiⁿ | 日月星辰 | Ji̍tgoa̍t Chheⁿsîn | 原冊掃描 |
| 183 | 月圍箍，火燒埔 | Goe̍h ûi kho͘, hóesio po͘. | 月若變圓to̍h ēkhòngōaⁿ。 | Goe̍h nā piàn îⁿ to̍h ē khòngōaⁿ. | 日月星辰 | Ji̍tgoa̍t Chheⁿsîn | 原冊掃描 |
| 184 | 月光bē曝tit粟 | Goe̍hkng bē pha̍k tit chhek. | 月光無法度曝粟。指chabó͘人gōa gâu to kah chapo͘人bē比tit。 | Goe̍h kng bô hoattō͘ pha̍k chhek. Chí chabó͘ lâng gōa gâu to kah chapo͘ lâng bē pí tit. | 日月星辰 | Ji̍tgoa̍t Chheⁿsîn | 原冊掃描 |
| 185 | 月上講到月落 | Goe̍h chiūⁿ kóng kàu Goe̍h lo̍h. | 月出ê時to̍h開始講到月落山。指kāu話講bē soah。 | Goe̍h chhut ê sî to̍h khaisí kóng kàu goe̍h lo̍h soaⁿ. Chí kāu ōe kóng bē soah. | 日月星辰 | Ji̍tgoa̍t Chheⁿsîn | 原冊掃描 |
| 186 | 月過十五光明少，人到中年萬事休 | Ta̍k kògoe̍h nā kòe cha̍pgō͘ mê, goe̍h kng to̍h ē kiámchió; lâng nā kòe tiongliân（50 hòe）, to̍h ē chiāmchiām thèhiu. | Ta̍k個月若過十五暝，月光to̍h ē減少；人若過中年（50歲），to̍h ē漸漸退休。 | Goa̍t kò cha̍pgō͘ kongbêng siáu, jîn tò tiongliân bānsū hiu | 日月星辰 | Ji̍tgoa̍t Chheⁿsîn | 原冊掃描 |
| 187 | 月光遍天下 | Goa̍tkong piàn thianhā | 月ê光明遍滿天下。 | Goe̍h ê kngbêng phiànmóa thianhā. | 日月星辰 | Ji̍tgoa̍t Chheⁿsîn | 原冊掃描 |
| 188 | 魁星跳落海 | Khoeseng thiàu lo̍h hái | 魁星跳落去海裡。魁星是手gia̍h筆負責文章ê神，若跳落去海裡to̍h ài「bī（水chhōe）筆」，kah「未必」仝音，to̍h是答案「無一定」ê謎題。 | Khoechheⁿ thiàu lo̍hkhì hái ni̍h. Khoe chheⁿ sī chhiú gia̍h pit hūchek bûnchiuⁿê sîn, nā thiàu lo̍hkhì hái ni̍h to̍h ài "bī（chúi chhōe）pit", kah "bīpit" kâng im, to̍h sī tapàn "bô ittēng" ê bītê. | 日月星辰 | Ji̍tgoa̍t Chheⁿsîn | 原冊掃描 |
| 189 | 古人不見今時月，今月曾經照古人 | Kó͘jîn putkiàn kimsî goa̍t, kim goa̍t chengkeng chiàu kó͘jîn | 古早人m̄ bat見過現此時ê月娘，現今ê月娘卻bat照過古早人。 | Kó͘chá lâng m̄ bat kìⁿkòe hiānchhúsîê goe̍hniû, hiānkim ê goe̍hniû khiok bat chiòkòe kó͘chá lâng. | 日月星辰 | Ji̍tgoa̍t Chheⁿsîn | 原冊掃描 |
| 190 | 光陰似箭，日月如梭 | Kongim sū chiàn, ji̍t goa̍t jû so | 光陰kahná箭hiah緊過，日月kahná網梭se̍h hiah緊。 | Kongim kahná chìⁿ hiah kín kòe, ji̍tgoe̍h kahná bāng so se̍h hiah kín. | 日月星辰 | Ji̍tgoa̍t Chheⁿsîn | 原冊掃描 |
| 191 | 賊星該敗 | Chha̍t chheⁿ kai pāi | 賊星當然ē失敗。意思指pháiⁿ tāichì一定ē失敗。 | Chha̍t chheⁿ tongjiân ē sitpāi. Ìsù chí pháiⁿ tāichì ittēng ē sitpāi. | 日月星辰 | Ji̍tgoa̍t Chheⁿsîn | 原冊掃描 |
| 192 | 賊星beh敗 | Chha̍t chheⁿ beh pāi | Kah「賊星該敗」仝。 | Kah “Chha̍t chheⁿ kai pāi” kâng. | 日月星辰 | Ji̍tgoa̍t Chheⁿsîn | 原冊掃描 |
| 193 | 卌九日烏天，見tio̍h出大日頭 | Siapkáuji̍t o͘thiⁿ, kìⁿ tio̍h chhut tōa ji̍tthâu. | 久長ê落雨天了後，見tio̍h大日頭出現。 | Kútn̂g ê lo̍hhō͘ thiⁿ liáuāu, kìⁿ tio̍h tōa ji̍tthâu chhuthiān. | 日月星辰 | Ji̍tgoa̍t Chheⁿsîn | 原冊掃描 |
| 194 | Siâng天各樣月 | Siâng thiⁿ kohiūⁿ goe̍h | 仝一个天有無仝ê月娘。意思是仝一个道理有真chē意義。 | Kâng chi̍tê thiⁿ ū bô kâng ê goe̍hniû. Ìsù sī kâng chi̍tê tōlíū chin chēìgī. | 日月星辰 | Ji̍tgoa̍t Chheⁿsîn | 原冊掃描 |
| 195 | 夕陽無限好，只恐不多時 | Se̍kiông bûhān hó, chí khióng put to sî. | 夕陽極其súi，只是恐驚時間無久。 | Se̍kiông ke̍kkî súi, chísī khióngkiaⁿ sîkan bôkú. | 日月星辰 | Ji̍tgoa̍t Chheⁿsîn | 原冊掃描 |
| 196 | 日月光天德，山河壯帝居 | Ji̍t goa̍t kong thian tek, sanhô chòng tè ku. | 有日月thang hō͘天德發光，有山河thang hō͘皇宮壯大。 | Ū ji̍t goe̍h thang hō͘ thiantek hoatkng, ū sanhô thang hō͘ hôngkiong chòngtāi. | 日月星辰 | Ji̍tgoa̍t Chheⁿsîn | 原冊掃描 |
| 197 | 日頭赤焰焰，隨人顧性命 | Ji̍tthâu chhiahiāⁿiāⁿ, sûilâng kò͘ sèⁿmiā. | 日頭光焰焰，隨人tio̍h顧kakī ê性命。指世間人ê狀態。 | Ji̍tthâu kng iāmiām, sûi lâng tio̍h kò͘ kakīê sèⁿmiā. Chí sèkan lâng ê chōngthài. | 日月星辰 | Ji̍tgoa̍t Chheⁿsîn | 原冊掃描 |
| 198 | 日頭當chiūⁿê人 | Ji̍tthâu tng chiūⁿ ê lâng | 日子當好過ê人。指好額人á是氣勢當好ê人。 | Ji̍tchí tng hókòe ê lâng. Chí hógia̍h lâng á sī khìsè tng hóê lâng. | 日月星辰 | Ji̍tgoa̍t Chheⁿsîn | 原冊掃描 |
| 199 | 日頭beh落ê人 | Ji̍tthâu beh lo̍h ê lâng | 日頭teh beh落山ê人。指老人á是氣勢bái ê人。 | Ji̍tthâu teh beh lo̍h soaⁿ ê lâng. Chí lāulâng á sī khìsè bái ê lâng. | 日月星辰 | Ji̍tgoa̍t Chheⁿsîn | 原冊掃描 |
| 200 | 日長如少年 | Ji̍tchí tn̂g kah ná siàuliân lâng. Sī ji̍tchí tn̂g ê phìjū; Tông Keⁿ si, "Soaⁿ chēng sū thàikó͘, ji̍t tn̂g jû siàuliân". | 日子長kah ná少年人。是日子長ê譬喻；唐庚詩：「山靜似太古，日長如少年」。 | Ji̍tchí tn̂g kah ná siàuliân lâng. Sī ji̍tchí tn̂g ê phìjū; Tông Keⁿ si, "Soaⁿ chēng sū thàikó͘, ji̍t tn̂g jû siàuliân". | 日月星辰 | Ji̍tgoa̍t Chheⁿsîn | 原冊掃描 |
| 201 | 日沒臙脂紅，無雨也有風 | Ji̍t bu̍t ianchi hông, bū ú iā iú hong. | 日頭落山若紅kah ná胭脂，無落雨也ē透風。 | Ji̍tthâu lo̍h soaⁿ nā âng kah ná ianchi, bô lo̍h hō͘ iāē thàu hong. | 日月星辰 | Ji̍tgoa̍t Chheⁿsîn | 原冊掃描 |
| 202 | 星光月現 | Chheⁿ kng goe̍h hiān | 星光iàⁿiàⁿ，月mā露現。 | Chheⁿ kng iàⁿiàⁿ, goe̍h mā lō͘hiān. | 日月星辰 | Ji̍tgoa̍t Chheⁿsîn | 原冊掃描 |
| 203 | 天上眾星皆拱北，世間無水不流東 | Thiansiōng chiòng seng kai kióng pak, sèkan bû súi put lîu tong. | 天頂ê星lóng拱北，世間ê河水lóng流向東。意思是指世間萬事lóng有歸屬ê所在。 | Thiⁿténg ê chheⁿ lóng kióng pak, sèkan ê hô chúi lóng lâu hiòng tang. Ìsù sī chí sèkan bānsū lóng ū kuisio̍k ê só͘chāi. | 日月星辰 | Ji̍tgoa̍t Chheⁿsîn | 原冊掃描 |
| 204 | 眾星朗朗，不如孤月獨明 | Chiòng seng lónglóng, putjû ko͘ goa̍t to̍k bêng. | 眾星雖然明朗，不如孤月單獨光明。 | Chèng chheⁿ suijiân bênglóng, putjû ko͘ goe̍h tanto̍k kngbêng. | 日月星辰 | Ji̍tgoa̍t Chheⁿsîn | 原冊掃描 |
| 205 | 長尾星 | Tn̂gbóe chheⁿ | To̍h是彗星。用來罵pháiⁿgín’á。 | To̍h sī hūichheⁿ. Ēng lâi mē pháiⁿ gín’á. | 日月星辰 | Ji̍tgoa̍t Chheⁿsîn | 原冊掃描 |
| 206 | 大日曝死虎 | Tōaji̍t pha̍ksí hó͘ | 日頭大kah kā虎曝死去。非常熱ê意思。 | Ji̍tthâu tōa kah kā hó͘ pha̍k sí khì. Huisiông jia̍t êìsù. | 日月星辰 | Ji̍tgoa̍t Chheⁿsîn | 原冊掃描 |
| 207 | 北斗註死，南斗註生 | Paktáu chù sí, Lâmtáu chù seⁿ. | 北斗星掌管死，南斗星掌管生。 | Paktáu chheⁿ chiángkoán sí, Lâmtáu chheⁿ chiángkoán seⁿ. | 日月星辰 | Ji̍tgoa̍t Chheⁿsîn | 原冊掃描 |
| 208 | 半暝出ㄧ个月 | Pòaⁿmê chhut chi̍tê goe̍h | Tī半暝出現一个月娘。Piàⁿ物件ê時，一隻鶴走出來；mā to̍h是萬綠中一點紅ê意思。 | Tī pòaⁿmê chhuthiān chi̍t ê goe̍hniû. Piàⁿ mi̍hkiāⁿê sî, chi̍t chiah ho̍h cháu chhut lâi; mā to̍h sī bān le̍k tiong chi̍t tiám âng êìsù. | 日月星辰 | Ji̍tgoa̍t Chheⁿsîn | 原冊掃描 |
| 209 | 無日m̄知晝，無鬚m̄知老 | Bô ji̍t m̄chai tàu, bô chhiu m̄chai lāu. | 無日頭to̍h m̄知中晝時，無嘴鬚to̍h m̄知年紀老。 | Bô ji̍tthâu to̍h m̄ chai tiongtàu sî, bô chhùichhiu to̍h m̄ chai nîkí lāu. | 日月星辰 | Ji̍tgoa̍t Chheⁿsîn | 原冊掃描 |
| 210 | Ê昏討無明á早起頓 | Êhng thó bô bîn’á chákhí tǹg | 半暝做工thàn錢mā無明á早起頓thang食。形容極sànchhiah。 | Pòaⁿmê chòkang thànchîⁿ mā bô bîná chákhí tùn thang chia̍h. Hêngiông ke̍k sànchhiah. | 晝夜 | Tiùiā | 原冊掃描 |