《賴永祥講書》

| | | 轉寄

《教會史話》(1_070)標天才ê回憶

標天才是白水溪初代ê傳道師。甘為霖牧師tī白水溪遭難ê時,伊mā tòa tī禮拜堂ê宿舍。伊回憶著hit時ê情形,講kah chiâⁿ趣味。

「甘牧師tòa tī白水溪禮拜堂宿舍,時間已經過了半暝a,突然間有匪賊群手the̍h武器,放火包圍教會一直喊: 紅毛蕃!今仔日要你ê命啦!」 chit ê時chūn兩ê人邦是真驚惶,神不附體。好加在甘牧師機智非凡,緊將毛氈內面ê棉被捲做一丸,tàn出去禮拜堂外hō͘匪徒kè-sī甘牧師本人已經走出去=a。匪徒一看著棉被soah全部攏圍過去,相爭beh下手,用刀槍烏白phut,in兩ê人chiah趁chit ê機會ùi禮拜堂圍籬ê縫偷走=去。甘牧師暗是teh睏ê時tiâⁿ-tiâⁿ攏無穿外褲,走出包圍陣了後,一時看無天才,tī黑暗中摸真久,chiah發視tī黑暗ê樹叢中有一ê物件leh陣動,甘牧師kè-sī匪徒藏leh hia,就摩拳擦掌作一決鬪ê姿勢。表情真緊張,等到發現是天才ê時chūn,甘牧師一時bōe凍kā攻擊ê姿勢變做懷柔ê態度,所以iáu是氣phut-phut講:天才啊!.今仔日你險險á為著我失去一條姓命,.兩個人tī驚險中互相發現平安無事,感激相lám leh哭。甘牧師借用天才ê褲子,匆匆起程,跋涉崎嶇ê山路,到隔tńg工ê黎明才趕到嘉義縣衙門去報案。不料衙門辦公ê時間iáu未到,有守衛者tú睡醒,手the̍h一支長柄煙斗,悠然地應接;iáu bōe聽詳細,就懶洋洋ê嘆口氣講“「攏是你這ê紅毛蕃ê事情」。甘牧師看衙役真無誠意、一時氣bōe凍忍,當場著發脾氣,向桌頂當一下,hoah講beh馬上見縣老爺。到chia來,衙役才知道代誌無好=a,趕緊入去恭請縣座 出廳聽案,縣座看甘牧師是一ê外國人,而所叩縣臣出廳聽案。縣座看甘牧師是一ê外國人,伊所講ê情形,又確實是真嚴重,馬上著派一隊衛兵護送甘牧師tńg去台南」。

據李嘉嵩撰「100年來」第一章,標天才是嘉嘉嵩阿祖輩ê人,bat追隨甘為霖牧師為導遊,也兼作kōaⁿ行李e kap廚師傳道助手。李嘉嵩ê阿叔崑峰,長老教中學ê校友,曾牧崗林教會多年。李昆峰為著「長榮中學70週年校慶紀念特刊」(民國54年刊),寫了一篇「60年前一母校的回顧(由李嘉嵩代述記),對甘為霖牧師是真佩服。云:各位校長內面,情感豐富奇特,行動變化萬千,趣話無窮ê,就是甘為霖牧師.....。標天才是李崑峰ê舅公,所以就kā標天才ê回憶談寫落來(見該刊105頁)。  
《台灣教會公報》 1950期 主後1989年7月16日