《蘇老師 ê 台語教室》

| | | 轉寄

高雄一甲國中2015年6月台語詩

指導老師:蘇晏德
2015年6月台語詩

阮的導師 1年3班
阮的導師足緣投
拍羽毛球上蓋gâu
伊的英語真老到(láu-tâu)
有時面猖有夠臭

阮的導師人真好
教冊認真人呵咾
毋過有時真囉嗦
伊咧畫圖人看無

阮的導師人足矮
伊的皮膚真正白
上課的時話真濟
有時嘛會講笑詼

阮的導師愛考試
考好的時足歡喜
考bái的時足受氣
害阮驚甲強欲死

1年3班林哲宇
六月的目屎
六月美麗的鳳凰花開
畢業著欲佮朋友分離
阮做伙的三年
是我上喜歡的紀持
朋友多謝你
恁了解我的心情
如今咱已經欲分開
心內非常的傷心

1年2班楊芷綾
再會lah一甲
佇一甲所有的一切
攏記佇我的心內
M̄管是快樂的
抑是悲傷的
我攏感覺真溫暖
著算講beh畢業ah
我相信逐家嘛是會想起阮
想起阮 做伙開講ê時陣
想起阮 做伙耍ê時陣
這全部ê記持
是逐家無法度放bē記ê
一甲hō͘我ê快樂
一甲永遠佇我ê心內
老師同學
希望逐家平安快樂

1年2班姜彩佳
畢業ê目屎
今仔日是畢業典禮
希望時間過較慢的
M̄甘hit時陣的記持
我無想欲畢業
這馬想欲tiām-tiām放bē記
M̄-koh足無簡單ê
時間敢會當永遠停佇遮
想著欲畢業足想欲吼
我無想欲離開遮
欲永遠佮恁做伙
咱永遠攏是上好的朋友
我beh永遠記牢彼一工

1年3班籃靖淳
畢業感言
阮欲畢業ah
阮欲畢業ah
六月鳳凰花開
三冬ê時間過了真緊
今仔日 阮著欲離開
雖然m̄甘
M̄-koh這嘛是無法度的代誌
這三冬所發生ê代誌
阮攏會永遠記牢牢
M̄管過了偌濟年
向望咱閣會當再相會
做伙互相講當初發生ê代誌

1年2班曹晶瑩
老師同學再會
時間真正過了足緊
一目nih 阮著欲畢業ah
這間學校內底充滿阮的記持
有人笑嘛有人咧哭
雖然較早難免有誤會
看著這馬逐家歡喜快樂
無好的過往攏放袂記ah
雖然以後無讀仝間學校
M̄-koh無要緊
咱趁這馬閣有時間的時陣
好好把握
至少以後有屬佇咱的記持
祝福逐家『老師同學,再會』

1年2班王怡雯
老師同學保重
六月的風吹--來
鳳凰花開--ah
一目nih咱欲畢業ah
這三年的日子
Hō͘我足濟快樂閣難忘的回憶
師長的教導kah關心
我會永遠記踮心肝底
各位同學多謝lín這三年的陪伴
時間過了足緊
M̄-koh你kah我的友情
我永遠bē放bē記
請lín m̄通哭
國中只是人生的一站
希望有機會閣再相逢
老師同學保重
1年2班林怡萱
一甲國中再會
一甲的人
一甲的風景
一甲所有的一切
永遠攏佇阮的心肝底

三年的時間
真正是足緊著過去
所有的代誌攏親像昨昏發生
做伙過日子
做伙tshit-thô
做伙的記持
永遠攏留佇阮的心內
畢業足歡喜
M̄-koh心內足m̄甘
佇一甲的日子
過了真正足緊的
有恁的國中生活
真正是過了真幸福
無恁的日子
阮是欲按怎過日子咧
所有快樂的日子是欲按怎bē記
這三年多謝有恁
Hō͘我過了真快樂

1年2班蘇念慈
期待再相會
阮佇一甲國中生活三冬
我的心情足複雜
一面歡喜會當國中畢業
一面悲傷著欲離開同學
這種有期待kah傷心的感覺
Hō͘我心情足緊張
離開學校以前
我一定beh攬牢我的老師
我的朋友
猶有我的學校
我會思念學校的一切
期待未來再相見

1年3班林穎琪
六月ê鳳凰花
鳳凰花開,am蜅蠐ê聲響起
六月,是阮欲離開ê時陣
阮佇這間學校過了三冬
佮同學做伙三冬
今仔日著欲離開ah
雖然講足m̄甘
M̄-koh阮總是欲畢業ah
三冬ah 欲畢業ah
教室nih充滿著笑聲
雖然足m̄甘
M̄-koh阮抑是欲分開
這三冬的記持
是我上寶貝的時間
我會永遠攏記心內

1年3班蔡孟臻
再會lah母校
三年前的今仔日
阮閣是天真活潑的模樣
如今阮攏變甲誠穩重
嘛攏過了誠快樂

做伙行過的路
做伙上課的教室
做伙tshit-thô的所在
攏有阮真深的記持

今年的六--月
正是阮beh來離開
鳳凰花開
充滿悲傷的氣氛

這幾年來
毋管是快樂的代誌
抑是悲傷的記持
我攏bē kā伊放bē記

1年3班梁鈺欣
鳳凰送別
阮欲畢業的日子
熱天鳳凰花開
代表阮欲畢業ah
這三冬阮定定耍做伙
時間過了真緊
Hō͘人心情沈重
逐家內心真艱苦
有足濟目屎
有足濟話欲講
嘛有足濟悲傷
這間學校有咱永遠的記持
感謝老師的辛苦
一甲國中我會永遠記牢牢

六月畢業的目屎
畢業m̄甘的心情
過了這三年
這馬已經欲分開
內心嶄然仔孤單
朋友mài傷心
這只是大漢的過程
未來閣有無仝的開始
請你kā阮khǹg tī心內
接受未來的光彩