《Kahui ê Tâi-bûn Phû-tô-hn̂g》

| | | 轉寄

Ài-chêng lin-long-se̍h

(Tē 1 pha) “A-bí lí hó, góa sī A-soat, ah lí chòe-kīn hó--bô?”A-soat kóng. “Góa chòe-kīn bô hó neh!Kám-kak chiok bái--ê !”A-bí kóng kah chiok siong-pi--ê. “Góa tō hō͘ cha-po͘ phiàn, kám-kak ū kàu siong-sim--ê! ” A-bí lú kóng lú sè-siaⁿ. “A-bí, tōe chit ê cha-po͘ kā lí chia̍h-chheⁿ-kha, góa chhōe i sǹg-siàu!! ”A-soat kóng kah chiok siūⁿ-khì--ê.
“Aih, góa tō siuⁿ gōng-tuh-tuh, à chún kóng i sī ài góa--ê, kiat-kó góa hoat-hiān i ū lú-pêng-iú--á, góa khah kám-kak hō͘ phiàn khì ah!” A-bí kóng kah lâu ba̍k-sái. “A-bí, góa hām lí kau-chêng mā beh 10 tang ah, lí hit ê sî-chūn thài-ē bô chhōe góa kóng neh?”A-soat kóng kah chiok kiaⁿ-hiâⁿ--ê. “Aih ah, ài tio̍h khah chhám-sí lah! ”Hiông-hiông A-tiok chhut-hiān tī pīⁿ-á teh tōa-siaⁿ kóng! Chit ê sî-chūn , A-bí kap A-soat sa-lóng-bô , A-tiok sī siáⁿ-mi̍h sî-chūn puh chhut-lâi lah! In lóng hō͘ A-tiok-á kiaⁿ kiaⁿ--tio̍h! “Aih iah, lín ê táⁿ ū kàu sè lia̍p--ê, góa chí sī kā sū-si̍t kóng --chhut-lâi niâ , kám-kóng góa ū kóng m̄-tio̍h o͘h?”A-tiok kài sêng kóng kah chiok chhio-tiô--ê. “A-tiok--á, lí si̍t-chāi sī hoⁿh………m̄-chai beh án-chóaⁿ kóng lí neh?”A-soat sim-lāi sī ū chi̍t-tiám-á siū-khì. A-bí khòaⁿ-tio̍h hit ê súi-bīn ê A-tiok , sī kui pak-tó͘ hóe , sim-lāi siūⁿ:“Lí chit kho͘ chin-chiàⁿ chiok siūⁿ beh kā i pa--lo̍h-khì--ê!” Chit ê sî-chūn A-tiok khòaⁿ in N̄g ê lâng ê bīn-chhiuⁿ chiok pháiⁿ khòaⁿ--ê , tō siūⁿ beh soan--ah.
(Tē 2 pha) A-tiok teh siūⁿ-khang siūⁿ-phāng beh chhòng-tī A-bí, kiat-kó soah hō͘ A-soat khòaⁿ-phòa kha-chhiú, A-soat sī chi̍t ê thâu-khak chiok hó ê lâng, i chá tō chai-iáⁿ A-tiok á siūⁿ beh pìⁿ-khang. Chit sî, lâm-chú-kak chhut-hiān--ah, hit ê phiàn A-bí ê lâng tō sī i , miâ kiò chò Phòng-hong. Hit ê Phòng-hong ta̍k ūi khì khi-phiàn chô͘ gín-á, A-bí tō sī kî tiong chi̍t-ê.
Hit ê A-tiok á khòaⁿ--tio̍h Phòng-hong lâi ah, kóaⁿ-kín kā i giú khì piⁿ-á, sè-siaⁿ kā kóng: “Eh, lí m̄-sī bô lú-pêng-iú?thài--ē kā A-bí--á phiàn ah! Lí kám chai-iáⁿ i khàu kah sì-liân-sûi, sòa--lo̍h-lâi lí beh án-chóaⁿ bīn tùi i leh?”A-tiok kî-si̍t mā ē hoân-ló, in-ūi i tī àm-tiong teh kah-ì A-soat, i bô siūⁿ beh hō͘ A-soat ê hó-pêng-iú kan-khó͘, siūⁿ beh khah ū bīn-chú--ê.
(Tē 3 pha) A-bí kap A-soat kiâⁿ-tī lō͘-tiong, N̄g ê lâng lóng teh siūⁿ, siūⁿ kóng beh án-ná chhut chi̍t kháu khùi. Kiâⁿ leh kiâⁿ leh, tī oat-kak ê cha̍p-sè-tiàm tú tio̍h Phòng-hong, chi̍t sî A-bí kòaⁿ-tio̍h i sī kui pak-tó͘ hóe, i koh m̄-chai-iáⁿ Phòng-hong kā phiàn kóng i ū lú-pêng-iú ê tāi-chì. Chit siaⁿ nā-sī hō͘ A-bí chai-iáⁿ, i tō chhoah teh tán ah! Jî-chhiáⁿ chit ê mā m̄-sī chin-chiàⁿ ê lú-pêng-iú. Tng-tong in koh teh siūⁿ ê sî-chūn, hit ê kóng sī Phòng-hong ê“ Lú-pêng-iú”ê ko͘-niû--á tī tùi-bīn ê hāng-á-káu ta̍uh ta̍uh-á kiâⁿ hiòng in 3 ê lâng! Phòng-hong khòaⁿ m̄ sī-sè, tō kóaⁿ-kín soan-cháu ah! Hit ê kóng sī Phòng-hong ê lú-pêng-iú miâ kiò chò A-hoe. A-bí khòaⁿ--tio̍h A-hoe , ka-tī kám-kak:“I hiah nī súi, góa pí bē kòe i lah!”Kî-si̍t A-bí kan-taⁿ khòaⁿ kòe i chi̍t bīn niā-niā, chit sî A-soat siūⁿ kóng, hit ê Phòng-hong sī chhut-ūn ah o͘h! Hiah-nī súi ê cha-bó͘ ta̍k ê m̄-káⁿ siong-sìn sī i ê lú-pêng-iú! Siūⁿ-kóng i sī-m̄-sī kā ta̍k ê phiàn! Kā ta̍k ê phiàn kah lin-long-se̍h, chí ū A-tiok--á chai-iáⁿ sū-si̍t.

(Tē 4 pha) Tī chit ê ho̍k-cha̍p ê 4 ê lâng, chha-put-to 20 hòe ê ài, in sī beh án-chóaⁿ kè-sio̍k--lo̍h-khì neh? Kám-chêng sī chin ho̍k-cha̍p--ê, taⁿ in chiah chai-iáⁿ siáⁿ-mi̍h sī chin ê iah sī ké--ê. M̄-koh kóng--tio̍h Phòng-hong i ê hêng-ûi si̍t-chāi chiok bô èng-kai--ê. A-soat āu--lâi kap A-bí--á chok chhè-sim--á, A-bí mā chai-iáⁿ, in koh hôe-ho̍k in ê chèng-siông ê seng-oa̍h ah!

*刊tī台文罔報NO.290(2018/5月)